ပြည်တွင်းကားအသုံးပြုသူ တွေအတွက် အသုံးတည့်မယ့် ကားတစ်စီးဖြစ်ပေမယ့် တင်သွင်း အသုံးပြုမှုနည်းပါးနေသေးတဲ့ Honda Fit Shuttle အကြောင်း ရွေးချယ် ဖော်ပြပေးလိုက်ပါ တယ်။
Honda Fit Shuttle ကို ၂၀၁၁ မှာ စတင်ထုတ်လုပ်ခဲ့ပြီး Wagon ကိုယ်ထည်အမျိုးအစား ဖြစ်ပါတယ်။ အင်ဂျင်အရွယ်အ စားက ၁၅၀၀ စီစီဖြစ်ပြီး အိမ်စီး ကားအဖြစ်ရော လုပ်ငန်းသုံးကား အငှားယာဉ်အဖြစ်ပါ အသုံးပြုဖို့ သင့်တော်ပါတယ်။
အတွင်းခန်းဂရိတ်ရော ကား ဒီဇိုင်းပါလှပပြီး အရွယ်အစား လည်း သင့်တင့်တဲ့ကားတစ်စီးဖြစ် ပါတယ်။ မော်ဒယ်မြင့်ကားတစ်စီး ဖြစ်လို့ အဆင့်မြင့်ကားနည်းပညာ တွေကို ပေါင်းစပ်ထုတ်လုပ်ထား ပါတယ်။
အဆင့်မြင့်နည်းပညာတွေ အနေနဲ့ ABS, TRC, EBD, AntiTheft Cruise Control တို့လို နည်းပညာတွေ ပါဝင်ပါတယ်။ ဂီယာ အမျိုးအစားကိုတော့ CVT ဂီယာနဲ့ အော်တိုဂီယာငါးချက်ဆိုပြီး နှစ် မျိုးသာထုတ်လုပ်ပါတယ်။
Chassis ID အရ ခွဲခြားမယ် ဆိုရင်တော့ GG7 နဲ့ GG8 ဆိုပြီး နှစ်မျိုးခွဲခြားနိုင်ပါတယ်။ ဟွန်ဒါ က ထုတ်လုပ်တဲ့ကားတွေထဲမှာ GG Chassis ID ဖြင့် ထုတ်လုပ် တဲ့တစ်မျိုးတည်းသော ကားဖြစ် ပါတယ်။ GG ရဲ့ ဆိုလိုရင်းကို ပြည်တွင်းက မော်တော်ယာဉ် ကျွမ်းကျင်သူတွေ သုံးသပ်တာက တော့ အလတ်တန်းစားဇိမ်ခံကား တွေကိုသာ ဟွန်ဒါက GG Chassis ID ဖြင့် ထုတ်လုပ်တယ် လို့ သုံးသပ်ကြပါတယ်။
Chassis ID အရ ခွဲခြားလေ့ လာမယ်ဆိုရင်တော့ GG7 ကို 2WD, CVT, 1500CC ဆိုပြီး ခွဲခြားနိုင်ပါတယ်။ GG8 ကိုတော့ 4WD, 4AT, 1500CC ဆိုပြီး ထုတ်လုပ်တာ တွေ့ရပါတယ်။ ဂရိတ်တွေ ကိုတော့ 15C, 15X, 15X Fine Line, 15X Cool Edition ဆိုပြီး လေးမျိုးခွဲခြားထုတ် လုပ်ပါတယ်။
ဂရိတ်တွေထဲက 15C နဲ့ 15X တို့ကတော့ အခြေခံဂရိတ်တွေဖြစ်ကြပါတယ်။ 15X Fine Line က အလတ်စားဂရိတ်ဖြစ်ပြီး 15X Cool Edition ကတော့ အမြင့်ဆုံးဂရိတ် တွေဖြစ်ပါတယ်။
15C
အခြေခံဂရိတ်တစ်ခုဖြစ်ပေမယ့် အတွင်းရော အပြင်မှာပါ ထပ်မံတပ်ဆင်လို့ရပြီး ဂရိတ်အမြင့်တစ်စီးလို တပ်ဆင်နိုင်တဲ့ Option ဂရိတ်တစ်ခုဖြစ်ပါတယ်။ ဒီဂရိတ်ကို Chassis ID နှစ်မျိုး စလုံးမှာ တွေ့နိုင်ပါတယ်။ အ တွင်းခန်းအော်တီဗီ၊ နောက်မှန် Spoiler ၊ ထိုင်ခုံလက်တင်၊ ECON Mode ၊ပါဝါဝင်းဒိုးပတ်လည်၊ ဒစ်ဂျစ်တယ်အဲကွန်း၊ နောက်ကြည့် မှန် အချက်ပြတွေ ပါဝင်ပါတယ်။
15X
ဒီဂရိတ်ကလည်း Option ဂရိတ်တစ်ခုဖြစ်ပြီး အတွင်းခန်းက တော့ 15C နဲ့ တူညီပါတယ်။ အ ပြင်ကိုယ်ထည် တည်ဆောက်မှု အပိုင်းမှာ နောက်မှန်ဝိုက်ဘာ၊ နောက်မှန်အရောင်ဝင်တာတွေ က အဓိကထူးခြားချက်ဖြစ်ပါ တယ်။
15X Fine Line
Chassis ID နှစ်မျိုးစလုံးမှာ ထုတ်လုပ်တဲ့ဂရိတ်ဖြစ်ပြီး ကိုယ် ထည်ပိုင်းအပြောင်းအလဲတွေ ကြောင့် လူကြိုက်များ ဂရိတ်တစ် ခုဖြစ်လာပါတယ။် ပတ်လည် စကတ်အကြီးတွေက ရုပ်ပိုင်းဆိုင် ရာ အဓိကဆွဲဆောင်မှုဖြစ်ပြီး အတွင်းဂရိတ်တွေကလည်း ပို ကောင်းလာပါတယ်။ ထိုင်ခုံ Leather ဖြစ်တာ၊ ရှေ့နောက် ထိုင်ခုံတွေမှာ လက်တင်ပါဝင် တာ၊ အော်တီဗီပါဝင်တာ၊ DVDPlayer ဖြစ်တာ၊ ဒစ်ဂျစ်တယ် အဲကွန်းစနစ်ဖြစ်တာ၊ ပါဝါမှန် ပတ်လည်ဖြစ်တာတွေက ဂရိတ်မြင့်ကားတစ်စီးဆိုတာကို သိသာ စေတဲ့အချက်တွေ ဖြစ်ပါတယ်။ စကတ်တွေကိုလည်း ပတ်လည်စကတ်အကြီးတွေ တပ်ဆင်ထားတဲ့အပြင် နောက်မှန်အရောင်ဝင် တာ၊ နောက်မှန် Spoiler အကြီး၊ နောက်မှန်ဝိုက်ဘာ၊ နောက်ကြည့် မှန်အချက်ပြပါဝင်တာတွေက ဒီ ဂရိတ်ကိုမြင်ရုံနဲ့ ဆွဲဆောင်နိုင်တဲ့ အချက်တွေ ဖြစ်ပါတယ်။
15X Cool Edition
၂၀၁၃ မှာ စတင်ထုတ်လုပ် တဲ့ ဂရိတ်ဖြစ်ပြီး မော်ဒယ်အမြင့် ဆုံးနဲ့ ဂရိတ်အပြည့်ဆုံးဖြစ်ပါ တယ်။ အတွင်းခန်းဂရိတ်တွေမှာ အော်တီဗီ၊ နောက်ကင်မရာ၊ ပါကင်ဆင်ဆာ၊ ပါဝါဝင်းဒိုးပတ် လည်၊ ထိုင်ခုံလက်တင်၊ အော်တိုအဲကွန်း၊ ရှေ့မှန် UV Filter စတာတွေ ပါဝင်ပါတယ်။ ၂၀၁၃ ပုံပြောင်းရုပ်ဖြစ်လို့ ရှေ့ပိုင်းဘောနက်နဲ့ ရှေ့ရှဲလ်တွေက ပုံပြောင်း ဖြစ်သွားတာ တွေ့ရပါတယ်။ အလွိုင်းခွေ၊ နောက်မှန်ဝိုက်ဘာ၊ နောက်မီးခွက်ပုံပြောင်း၊ ရှေ့မီးကြီး LED ကြောင်မီး၊ Fog Light ၊Door Lock Sensor စတာတွေကတော့ ဂရိတ်အမြင့်ကားတစ်စီးဆို တဲ့အတိုင်း ပြည့်ပြည့်စုံစုံပါဝင် လာတာ တွေ့ရပါတယ်။
ပုံပြထားတာကတော့ 2015 Model ပါခင်ဗျ…
