အမျိုးသားပြန်လည်သင့်မြတ်ရေးနှင့် စည်းလုံးညီညွတ်ရေး၊ ပြည်တွင်းငြိမ်းချမ်းရေးနှင့် ဒီမိုကရေစီဖက်ဒရယ်ပြည်ထောင်စု တည်ဆောက်ရေး၊ နိုင်ငံတော်၏ ငြိမ်းချမ်းရေး လုပ်ငန်းစဉ်များကို ထောက်ခံသောအားဖြင့် ပြန်ကြားရေးဝန်ကြီးဌာန မြန်မာ့အသံနှင့် ရုပ်မြင်သံကြားMRTV မှ ငြိမ်းချမ်းရေးဂီတပွဲတော် ၂ဝ၁၇ သီချင်းဆိုပြိုင်ပွဲကို မြို့နေရာများသတ်မှတ်ကာ ပြိုင်ပွဲများကျင်းပပေးလျက်ရှိသည်။
ယခုအခါ Level -1 အဆင့် ဒေသလက်ရွေးစင်ရွေးချယ်ပွဲများကို တောင်ကြီး၊ မြစ်ကြီးနား၊ မော်လမြိုင်၊ လားရှိုး၊ ပုသိမ် မြို့ကြီးများမှာ ကျင်းပခဲ့ပြီး အဆိုပါမြို့များမှ ဒေသလက်ရွေးစင် သုံးဦးစီ ရွေးချယ်ခဲ့ပြီးဖြစ်သည်။ သြဂုတ် ၁၃ ရက်က မြန်မာ့ အသံနှင့်ရုပ်မြင်သံကြား ပြည်လမ်း ရန်ကုန်မြို့တွင် ကျင်းပခဲ့သည့် ရန်ကုန်မြို့၏ Level -1 အဆင့် ဒေသလက်ရွေးစင်ရွေးချယ်ပွဲ၊ ပွဲစဉ် (၁)တွင် ဝင်ရောက်ယှဉ်ပြိုင် ခဲ့ကြသည့် ပြိုင်ပွဲဝင် ၁ဝ ဦးထဲမှ ပထမ မေသူကျော်၊ ဒုတိယ မေသဇင်နှင့် တတိယ မောရှေတို့ကို ရွေးချယ်ခဲ့သည်။
အဆိုပါပြိုင်ပွဲသို့ ရန်ကုန်တိုင်းဒေသကြီး လူမှုရေးဝန်ကြီး ဦးနိုင်ငံလင်း၊ ရခိုင် တိုင်းရင်းသားလူမျိုးရေးရာဝန်ကြီး ဦးဇော်အေးမောင်၊ မြန်မာ့အသံနှင့်ရုပ်မြင်သံကြားမှ ညွှန်ကြားရေးမှူးချုပ် ဦးမြင့်ထွေးနှင့် တာဝန်ရှိသူများ၊ ဖိတ်ကြားထားသူများ တက်ရောက်အားပေးခဲ့ကြသည်။
ရန်ကုန်မြို့၏ Level -1 ပွဲစဉ် (၂) ကို သြဂုတ်၂ဝ ရက်တွင် ဆက်လက်ကျင်းပ မည်ဖြစ်သည်။
ယခုကဲ့သို့ သတ်မှတ်မြို့များတွင် ငြိမ်းချမ်းရေးဂီတပွဲတော် သီချင်းဆိုပြိုင်ပွဲများ ကျင်းပလျက်ရှိသကဲ့သို့ ငြိမ်းချမ်းရေးဂီတပွဲတော် မိသားစုနှင့် စေတနာရှင်၊ အလှူရှင် များသည် ကျင်းပရာမြို့များရှိ တိုက်ပွဲရှောင် (ယာယီ)စခန်းများ၊ ပရဟိတလုပ်ငန်းများ ဆောင်ရွက်ရာ နေရာဌာနများသို့ သွားရောက်၍လည်း ထောက်ပံ့လှူဒါန်းမှုများ ပြုလုပ် လျက်ရှိကြောင်း သိရှိရသည်။
