စိတ်ပညာရှင်များရဲ့ အခုနောက်ဆုံး သတ်မှတ်ချက်က.. လူတွေရဲ့ အသိဉာဏ်ကို တိုင်းတာတဲ့စနစ်ဟာ လေးမျိုး ရှိတယ်လို့ဆိုပါတယ်။
* IQ
* EQ နှစ်ခုနဲ့တင် မကဘဲ..
* SQ
* AQဆိုတဲ့.. နှစ်ခုပါ ထပ်တိုးလာပါတယ်။ အရှည်ကတော့ …
1) Intelligence Quotient (IQ)
2) Emotional Quotient (EQ)
3) Social Quotient (SQ)
4) Adversity Quotient (AQ) တို့ပဲ.. ဖြစ်ပါတယ်။ အကျယ်နည်းနည်းချဲ့.. ရှင်းပြပါ့မယ်။
1) Intelligence Quotient (IQ)
IQ လို့ အများသိတဲ့.. အသိဉာဏ် levelက.. တကယ်တော့ ကျိုးကြောင်းဆက်စပ် တွေးခေါ်မှုကို တိုင်းတာရုံ သက်သက်ပါပဲ။ သင်္ချာပုစ္ဆာတွေကို.. ဖြေရှင်းနိုင်တယ်၊အဖြစ်အပျက်တွေကို.. မှတ်မိတယ်၊ အတွေ့အကြုံထဲကနေ.. သင်ခန်းစာ ယူနိုင်တယ်၊ ဒါပဲ..။ အဲ့ဒါက.. ခင်ဗျားတို့ရဲ့ IQ level ပဲ..။
2) Emotional Quotient (EQ)
EQ ကျတော့.. လူအများနဲ့ မင်းရဲ့ဆက်သွယ်မှု level ကို.. တိုင်းတာတာ ဖြစ်တယ်။ လူအများနဲ့ ဆက်ဆံတဲ့အခါ.. မင်းဘယ်လောက် အဆင်ပြေလဲ?၊ မင်း ဘယ်လောက် ရိုးသားမှုရှိလဲ?၊ တာဝန်ယူမှု တာဝန်ခံမှု ရှိလား?၊ လူသားအချင်းချင်း.. လေးစားတန်ဖိုးထားသလား?၊ ယဉ်ကျေးသိမ်မွေ့စွာ.. ပြောဆိုဆက်ဆံနိုင်လား?၊ သူများ Personal ကိစ္စတွေကို.. လေးစား ထိန်းသိမ်းပြီး.. ကိုယ်ချင်းစာနာ တွေးခေါ်ပေးနိုင်လား?၊ ဒါတွေအားလုံးက.. ခင်ဗျားတို့ရဲ့.. EQ level ပါပဲ..။
3) Social Quotient (SQ)
ဒါကတော့.. ကိုယ့်ရဲ့ မိတ်ဆွေ၊ အပေါင်းအသင်း၊ သူငယ်ချင်း၊ မိသားစု ဆွေမျိုးတွေကြားမှာ.. ဘယ်လောက်ထိ အချိန်ကြာကြာ.. ရင်းနှီး ဆက်သွယ်မှုတွေကို ထိန်းထားနိုင်လဲ?၊ ဘယ်လောက်ထိ ကိုယ့်ရဲ့ အသိုင်းအဝိုင်းနဲ့.. ပေါင်းသင်းဆက်ဆံရေး ကွန်ယက် ကျယ်ပြန့်သလဲ?၊ ဒါတွေကို.. တိုင်းတာနိုင်တာက.. ဆိုရှယ် SQ level ဖြစ်ပါတယ်။
အထက်က သုံးခုထဲမှာ.. ဘဝကို အောင်အောင်မြင်မြင်နဲ့ ဖြတ်သန်းပြီး.. အများထက်ပိုတဲ့ ထိပ်ဆုံးနေရာတွေမှာ ရောက်ရှိနေသူတွေဟာ.. ဒုတိယနဲ့ တတိယ ဖြစ်တဲ့.. EQ နဲ့ SQ level မြင့်မားသူတွေသာ ဖြစ်ပါသတယ်..။ အများထင်တဲ့.. IQ မြင့်သူတွေ မဟုတ်ကြပါဘူး။ သူတို့ IQ က.. ပုံမှန်ပါပဲ..။ IQ မြင့်တယ်ဆိုတဲ့ သူတွေဟာ.. နောက်ဆုံးမှာ EQ နဲ့ SQ မြင့်တဲ့ လုပ်ငန်းရှင်တွေဆီမှာ.. လခစား ဝန်ထမ်းဘဝနဲ့ သူတို့ဘဝကို..နိဂုံးချုပ်ရတယ်လို့တောင် ပြောကြတယ်။
ဝမ်းနည်းစရာ ကောင်းတာက..စာသင်ကျောင်းတွေဟာ.. IQ level မြင့်မားအောင်လုပ်ပေးတဲ့ သင်ကြားနည်းတွေက များနေပြီး EQ နဲ့ SQ level ကို တိုးတက်လာအောင် ပြုလုပ်ပေးတဲ့ သင်ရိုးပြဌာန်းချက် ပရိုဂရမ်တွေက.. အင်မတန် နည်းနေတုန်းပဲတဲ့..။
တကယ်တော့ EQ က ကိုယ့်ရဲ့ ပင်ကိုစရိုက် သဘာဝကို ဖော်ပြပြီး SQ ကျတော့.. အဲဒီ့ ကိုယ့်စရိုက်က ကိုယ့်ပတ်ဝန်းကျင်ကို.. ဘယ်လောက်ထိသက်ရောက်သွာလဲလို့.. ဖော်ပြတာပါတဲ့။
ကဲ ဒါဆို.. နောက်ဆုံးတစ်ခု လာပြီ။ကိုယ့်ဦးနှောက် အသိဉာဏ် လယ်ဗယ်ကိုတိုင်းတာနိုင်တဲ့.. နောက်ဆုံး လေးခုမြောက်က..ဘာလဲ (တွေ့ရှိချက် အသစ်တဲ့)
4) The Adversity Quotient (AQ):
AQ ဆိုတာ ဘဝမှာ တွေ့ကြုံလာရသမျှ.. ခက်ခဲကြမ်းတမ်းတဲ့ ပြောင်းလဲမှုတွေကို ရဲရဲရင်ဆိုင် ဖြေရှင်း ကျော်လွှားနိုင်တဲ့.. စွမ်းရည် levelတဲ့..။ အဲ့ဒါ.. AQ level တဲ့..။ မြန်မာစကားနဲ့ ပြောရရင် လောကဓံကိုမင်း ဘယ်လောက် ခံနိုင်စွမ်း ရှိမလဲပေါ့
AQ level ပေါ် မူတည်ပြီး လူတွေဟာ ကိုယ့်ကိုယ်ကို သေကြောင်းကြံမယ့်သူတွေ၊ မိသားစုကို စွန့်ခွာ၊ ကိုယ့်ရင်သွေးကို စွန့်ပစ်တဲ့သူတွေ.. ဖြစ်လာကြတာပါတယ်။
AQ level နိမ့်သူတွေက ဒုက္ခကို.. ရင်မဆိုင်နိုင်ကြသူတွေပေါ့။ သားကွဲ၊ မယားကွဲ၊ အလုပ်ပြုတ်၊ စိတ်ကျ၊ ဆူဆိုက်လုပ်၊ လက်ရှိဘဝကနေထွက်ပြေးချင်ကြသူ တွေဟာ AQ level နည်းနေခဲ့လို့.. ဆိုပါတော့။
အကြံပြုချက်က မိဘတွေဟာ.. ကိုယ့်သားသမီး AQ level မြင့်လာအောင် ဘဝမှာ အခက်အခဲတွေနဲ့ငယ်စဉ်ထဲက ရင်ဆိုင်ပေးတွေ့ပြီး လေ့ကျင့် သင်ကြားပေးသင့်တယ်လို့ ဆိုတယ်..။ (ပြစ်ဒဏ်ပေးတာမျိုးမဟုတ်) သူ့အသက်အရွယ်၊ သူ့အသိဉာဏ် level အတိုင်း.. ခန္ဓာကိုယ်ရော၊ ဦးနှောက်ရောကို အလုပ်ပေးတဲ့ တာဝန်ဝတ္တရားတွေ၊ ခိုင်းစေမှုတွေ..
ဥပမာ… အားကစားနဲ့ အနုပညာ ဖန်တီးမှုတွေ၊ခွန်အားနဲ့ လုပ်ရမယ့် အလုပ်ကြမ်းတွေကိုလည်း လုပ်ခိုင်းတတ်ရမယ် ဆိုပဲ။အချူပ်ပြောရရင်…
IQ မြင့်ရင်လည်း.. ကောင်းပါတယ်။ မမြင့်ရင်လည်း.. ကိစ္စ မရှိပါဘူး။ ကျန်တဲ့သုံးခု.. (EQ/SQ/AQ) မြင့်မားဖို့ကပို အရေးကြီးပါတယ်။ ဒါမှ ဘဝအခက်အခဲ ဒုက္ခတွေကို ကျော်လွှားနိုင်တဲ့သူတွေ ဖြစ်လာကြမှာပါ။
” သားသမီးတွေကို.. သူတို့လျှောက်ဖို့ လမ်းခင်း မပေးပါနဲ့။ သူတို့ကိုယ်တိုင် လမ်းခင်းပြီး.. လျှောက်တတ်ဖို့ကို သင်ပေးပါ “
Credit:
