ပြည်သူ့ကျန်းမာရေး အရေးပေါ်ကိစ္စရပ်များ ကာကွယ်စောင့် ကြည့်တုံ့ပြန်ရေး အမျိုးသားအဆင့် လုပ်ငန်းစီမံချက်အတွက် ကုန်ကျစရိတ်တွက်ချက်ခြင်း အလုပ်ရုံဆွေးနွေးပွဲ ပိတ်ပွဲ အခမ်းအနားကို ဖေဖော်ဝါရီ ၂၈ ရက်က နေပြည်တော်ရှိ မင်္ဂလာ သီရိဟိုတယ်၌ ကျင်းပခဲ့ရာ ကျန်းမာရေးနှင့်အားကစား ဝန်ကြီး ဌာန အမြဲတမ်းအတွင်းဝန် ပါမောက္ခ ဒေါက်တာသက်ခိုင်ဝင်း တက်ရောက်၍ အမှာစကား ပြောကြားသည်။
အမြဲတမ်းအတွင်းဝန်က မြန်မာနိုင်ငံအနေဖြင့် ကူးစက် ရောဂါ ကာကွယ်စောင့်ကြည့်တုံ့ပြန်ရေးဆိုင်ရာ လုပ်ငန်းများအား ပြန်လည်ဆန်းစစ်လေ့လာခြင်ဲးသငညအ နထအနမညေူ နလေူကအေငသည လုပ်ငန်းကို ၂ဝ၁၇ ခုနှစ်၌ အောင်မြင်စွာ ဆောင်ရွက်နိုင်ခဲ့ကြောင်း၊ အရှေ့တောင်အာရှနိုင်ငံများအနက် မြန်မာနိုင်ငံသည်ဲသငညအ နထအနမညေူ နလေူကအေငသည လုပ်ငန်းကို တတိယမြောက် ဆောင်ရွက်နိုင်ခဲ့သောနိုင်ငံဖြစ်ပြီး ပြည်သူ့ကျန်းမာရေး အရေးပေါ်ကိစ္စရပ်များ ကာကွယ်စောင့်ကြည့်တုံ့ပြန်ရေး အမျိုး သားအဆင့် လုပ်ငန်းစီမံချက်ကို ပထမဆုံးရေးဆွဲနိုင်ခဲ့သောနိုင်ငံ ဖြစ်ကြောင်း၊ ယခုစီမံချက်အား အကောင်အထည်ဖော်ရာတွင် ကျန်းမာရေးနှင့် အားကစားဝန်ကြီးဌာနနှင့် နှီးနွှယ်ဝန်ကြီးဌာန များ၊ က္ဘာ့ကျန်းမာရေးအဖွဲ့အပါအဝင် မိတ်ဖက်အဖွဲ့အစည်းများ အားလုံး လက်တွဲဆောင်ရွက်ရမည်ဖြစ်ကြောင်း ပြောကြားသည်။ ဆက်လက်၍ က္ဘာ့ကျန်းမာရေးအဖွဲ့မှ တာဝန်ရှိသူများ၊ ပြည်သူ့ ကျန်းမာရေးဦးစီးဌာန ဒုတိယညွှန်ကြားရေးမှူးချုပ် ဒေါက်တာ သန်းထွန်းအောင်နှင့် တာဝန်ရှိသူများက စီမံချက်နှင့်ပတ်သက်၍ ရှင်းလင်းတင်ပြရာ တက်ရောက်လာသူများက ဝိုင်းဝန်းဆွေးနွေး ကြသည်။
ထို့နောက် ပြည်သူ့ကျန်းမာရေးနှင့် ကုသရေးဦးစီးဌာန၊ ညွှန်ကြားရေးမှူးချုပ် ဒေါက်တာသာထွန်းကျော်က နိဂုံးချုပ် အမှာစကားပြောကြားရာတွင် လက်ရှိစီမံချက်အား ပြောင်းလဲမှု ဖြစ်စဉ်များအပေါ် မူတည်၍ နှစ်စဉ်ပြန်လည်ဆန်းစစ်ရန်နှင့် စီမံချက်ပါလုပ်ငန်းများအား အကောင်အထည်ဖော် ဆောင်ရွက် မည့် အစီအစဉ်နှင့် ရန်ပုံငွေသုံးစွဲမည့်အခြေအနေများကို သက်ဆိုင်ရာဌာနများ၊ မိတ်ဖက်အဖွဲ့အစည်းများနှင့် ညှိနှိုင်း ဆောင်ရွက်ရန် ပြောကြားခဲ့သည်။
အခမ်းအနားတွင် တာဝန်ရှိသူများ၊ ကုလသမဂ္ဂ လက်အောက်ခံ အဖွဲ့အစည်းများနှင့် မိတ်ဖက် နိုင်ငံတကာ အဖွဲ့အစည်းများမှ ကိုယ်စားလှယ်များ တက်ရောက်ဆွေးနွေး ခဲ့ကြသည်။ ကျန်းမာရေးနှင့် အားကစားဝန်ကြီးဌာနသည် တုပ်ကွေးရောဂါ က္ဘာ့ကပ်အသွင်ဖြစ်ပွားမှုဆိုင်ရာ ကာကွယ် တုံ့ပြန်ရေး၊ One Health Strategic Framework နှင့် Risk Communication စီမံချက်များအား ရေးဆွဲ အကောင် အထည်ဖော်လျက်ရှိပြီး အသစ်ပြန်လည်ရေးဆွဲထားသည့် ကူးစက်ရောဂါ ကာကွယ်နှိမ်နင်းရေးဥပဒေကိုလည်း အတည်ပြု ပြဋ္ဌာန်းနိုင်ရန် စီစဉ်ဆောင်ရွက်လျက်ရှိကြောင်း သတင်း ရရှိသည်။
credit: myanmaallin
