ရှမ်းပြည်နယ်တောင်ပိုင်း ကလောမြို့လေးသည် ရာသီဥတုအေးမြပြီး တောင်ကုန်းတောင်တန်းများ လျှိုမြောင်များပေါများကာ ချယ်ရီ၊ စိန်ပန်းတို့နှင့် လှပသည့် သဘာဝအလှရှုခင်းများဖြင့် သာယာလှပသောမြို့လေးတစ်မြို့ဖြစ်သည်။ ဒေသခံပြည်သူ များ၏ ရိုးသားပျူငှာမှုများအပြင် ကလောမြို့လေး သည် အမှိုက်များ ကင်းစင်ပြီး ပတ်ဝန်းကျင်စိမ်း လန်းကာ သာယာလှပခြင်းကြောင့် ပြည်တွင်း ပြည်ပဧည့်သည်များ အများဆုံးလာရောက်လည် ပတ်လေ့ရှိသည့် အေးချမ်းသာယာလှပသည့် တောင်ပေါ်မြို့လေးအဖြစ် ထင်းရှားကျော်ကြား လျက်ရှိနေသည်။
ကလောမြို့သည် ပင်လယ်ရေမျက်နှာပြင် အမြင့် ၄၃၁၅ ပေတွင်တည်ရှိပြီး ဧရိယာစတုရန်းမိုင် ပေါင်း ၅၈၃ယ၃၁၅ မိုင်ကျယ်ဝန်းသည်။ အရှေ့ ဘက်တွင် ရှမ်းပြည်နယ်၏ မြို့တော်တောင်ကြီး၊ အနောက်ဘက်တွင် သာစည်မြို့နယ်၊ တောင်ဘက် တွင် ပင်လောင်းမြို့နယ်နှင့် မြောက်ဘက်တွင် ပင်းတယမြို့တို့ရှိသည်။ ကလောမြို့ ကလေးကို ၁၉ ရာစုမတိုင်မီကပင် ပလောင်တိုင်းရင်းသား လူမျိုးစုများမှ ပလောင်ဘာသာဖြင့် ”ကလောက်” မြန်မာလို ”ဒယ်အိုး” (အလွန်မြင့်မားသော တောင်တန်းများဝန်းရံထားသောရွာ)ဟု အမည် ပေးပြီး အေးချမ်းသာယာလှပသည့် ရွာငယ် လေးအဖြစ် တည်ထောင်ခဲ့ကြပြီးနောက် ပလောင် လူမျိုးများ စတင်နေထိုင်ခဲ့ကြသည်။
၂ဝ ရာစု အစောပိုင်းတွင်ဗြိတိသျှလူမျိုးများ သည်အေးချမ်းသာယာလှပသော”ကလောက်”ဟူသည့် ရွာကလေးကို သဘောကျနှစ်ခြိုက်သွား ပြီး ထိုရွာကလေး ပိုမိုလှပသာယာ ဖွံ့ဖြိုးတိုးတက် စေရန်အတွက် အဝေးပြေးလမ်းမကြီးများ၊ မီးရထား ဘူတာရုံ၊ ဘာသာရေးအဆောက်အအုံ များ ကွန်ဗင့်ကျောင်းများ၊ စာသင်ကျောင်းများ တည်ဆောက်ခဲ့ကြပြီး ”ကလောက်”ဟူသော ရွာငယ်လေးကိုလည်း ”ကလော”ဟုပြောင်းလဲ ခေါ်ဝေါ် ခဲ့ကြသည်။
ကလောမြို့လေးသည် အစိုးရရုံးများစိုက်ရာ ဒေသဖြစ်ပြီး ဝန်ထောက်ရုံးအပြင် အပန်းဖြေ တောင်စခန်းမြို့လေးတစ်မြို့ ဖြစ်ရန်အထိ အင်္ဂလိပ် လူမျိုးများက ရည်ရွယ်ထားခဲ့ကြသည်။ အေးချမ်း သာယာလှပသော ကလောမြို့လေးကို ရာသီ ဥတုအေးမြပြီး တောတောင်သဘာဝရှုခင်းများနှင့် လမ်းပန်းဆက်သွယ်ရေးများ ကောင်းမွန်ခြင်းတို့ ကြောင့် သာယာကြည်နူးစရာကောင်းလှသော တောင်စခန်းမြို့လေးအဖြစ် သတ်မှတ်ခဲ့ကြပြီး ရှမ်းမြေလတ်ဒေသ ကလောကို အင်္ဂလိပ်တို့က မြန်မာပြည်၏စကော့တလန်ဟုပင် တင်စားခေါ်ဝေါ် ခဲ့ကြကြောင်းသိရသည်။
ကလောမြို့လေးတွင် ထင်ရှားလှပသော နေရာများစွာအနက် အလွန်မြင့်မားသည့် မှိုင်းလုံး တောင်သာသနာ့အဆောက်အအုံများနှင့် ကလော မြို့၏ ရှုမျှော်ခင်းများအားလုံးကို အပေါ်စီးမှ မြင်တွေ့ နိုင်သည့် တိမ်တောင်သဘာဝဂူဘုရားများဖြင့် ကျော်ကြားထင်ရှားနေသည့် မြင်းမထိတောင်၊ ရှမ်းအိုးစည်ကဲ့သို့ သဘာဝအတိုင်းတည်ရှိနေသည့် အိုးစည်တောင်ရွှေဥမင်ဘုရား၊ နှစ်ပေါင်း ၅ဝဝ ကျော်ခန့်က ရှေးဟောင်းနှီးဘုရားရုပ်ပွားတော်၊ ဥရောပဟန်ဖြင့် တည်ဆောက်ထားခဲ့သည့် မီးရထားဘူတာရုံ၊ ကလောမြို့မဈေးကြီး၊ မောမြေ ဦးပန်းခြံနှင့် ကလောတစ်မြို့လုံးကို သောက်သုံး ရေများ ဖြန့်ဖြူးပေးဝေလျက်ရှိသည့်”ကလောရေ အေးကန်”စသည်တို့ကလည်း ကလောမြို့၏ ဂုဏ်ကို မြှင့်တင်ပေးနေပါသည်။
ထို့အပြင် ယခုအခါ စစ်ဦးစီး တက္ကသိုလ်လမ်း နှင့် မောမြေဦးပန်းခြံရှေ့ မင်းလမ်းဆုံနေရာတို့တွင် တည်ဆောက်နေသည့် ကလောမြို့ အထိမ်းအမှတ် နာရီစင် KALAW TOWER ကိုတည် ဆောက်ပြီးစီးပြီဖြစ်သည်။
ယခင်က မင်းလမ်းဆုံရှေ့တွင်တည်ဆောက် ထားသော နာရီစင်အဟောင်းအား ၂၁.၉. ၂ဝ၁၆ တွင် ဖျက်သိမ်းခဲ့ပြီးဖြစ်သည်။ ၂၆.၉.၂ဝ၁၆ ရက်နေ့တွင် နာရီစင်အလှူရှင်များ၊ ရှမ်းပြည်နယ် အစိုးရအဖွဲ့များ၊ မြို့နယ်စည်ပင်သာယာရေးဌာန မှတာဝန်ရှိသူများ၊ မြို့နယ်အထွေထွေအုပ်ချုပ်ရေး ဦးစီးဌာနမှတာဝန်ရှိသူများ တက်ရောက်ကာ ပန္နက်ရိုက်ခဲ့ကြပြီး ၂၉.၉.၂ဝ၁၆ တွင် ရတနာ အုပ်စီမင်္ဂလာအခမ်းအနားကိုလည်း ကျင်းပခဲ့ ကြောင်း သိရသည်။
ကလောနာရီစင်(KALAW TOWER)၏ အကျယ်မှာ ၁၂x၁၂ ပေပတ်လည်ရှိပြီး မြေပြင် မှ အမိုးထိပ်ထိအမြင့်ပေ ၄၅ ပေ၊ ၆လက်မ ရှိသည်။အဆောက်အအုံမှာ သံကူကွန်ကရစ်အမျိုးအစား ဖြစ်သည်။ နာရီစင်တည်ဆောက်ရာတွင် ကုန်ကျ စရိတ်မှာငွေ$ကျပ်သိန်း ၄ဝဝ ဖြစ်ပြီး ဥရောပနိုင်ငံမှ မှာယူထားသောနာရီလေးလုံး၏တန်ဖိုးမှာ ငွေ$ကျပ် သိန်း ၁၂ဝ ကုန်ကျပြီး နာရီစင်တစ်ခုလုံး၏ တန်ဖိုးမှာ ငွေကျပ်သိန်းပေါင်း ၅၂ဝ ကုန်ကျမည် ဖြစ်သည်။
ကလောမြို့ အထိမ်းအမှတ် (KALAW TOWER)နာရီစင်ဖွင့်ပွဲကို အောက်တိုဘာ ၂၂ ရက်က ရှမ်းပြည်နယ်တောင်ပိုင်း ကလောမြို့ နယ် ၏ ကလောမြို့ မောမြေဦးပန်းခြံရှေ့ စစ်ဦးစီး တက္ကသိုလ်လမ်းနှင့် ပြည်ထောင်စုလမ်းမကြီးလမ်း လယ်ကျွန်းနေရာတွင် ဥရောပဟန်ဖြင့် ခံ့ညား လှပစွာတည်ဆောက်ထားသော ကလောနာရီစင် ကို ခမ်းနားစွာဖွင့်လှစ်ပေးခဲ့ပါသည်။ ထိုနာရီစင်မှာ လည်း ရှမ်းပြည်နယ်တောင်ပိုင်း ကလောမြို့၏အထင်ကရနေရာများစွာအနက် ဥရောပဟန်ဖြင့် ထင်ရှားလှပနေပြီး သာယာလှပသော ကလောမြို့ လေး၏ဂုဏ်ကို ထပ်ဆောင်းမြှင့်တင်ပေးနိုင်ဦး မည်ဖြစ်ကြောင်း ရေးသားတင်ပြလိုက်ရပါ သည်။
Credit: ဆည်းဆာ (myanmaallin)
