တလောက အဖွဲ့အစည်းတစ်ခုမှ ကျန်းမာရေးဟောပြောပွဲ ဖိတ်သဖြင့် စာရေးသူ သွားရောက်ဟောပြောပေးပါသည်။
ဟောပြောသည့် ခေါင်းစဉ်မှာ ခါးနာရောဂါ ဆင်ခြင်စရာ နှင့် ခါးနာရောဂါပျောက်နိုင်သော ဆေးနည်းတိုများအကြောင်း ဖြစ်ပါသည်။
ထိုသို့ ဟောပြောရာတွင် စာရေးသူက ယနေ့ ဝန်ထမ်း လောကတွင် ခွင့်ယူမှုအများဆုံးရောဂါမှာ ခါးနာရောဂါဖြစ်ပြီး ဖြစ်လျှင် မကြာခဏပြန်ပေါ်သောရောဂါများသည် ခါးနာရောဂါ ဖြစ်ကြောင်းကို ဟောပြောခဲ့ပါသည်။ လူတိုင်း ခါးနာဖူးကြ သည်။ အချို့မှာ မိမိကိုယ်မိမိ ခါးနာရောဂါရှိနေမှန်း မသိကြပါ။ ထိုသူများ ထိုင်ရာမှ ထသွားလျှင်ကြည့်ပါ။ ကုန်းကာ ထသွားပြီး တဖြည်းဖြည်းမှ ခါးဆန့်သွားသည်ကို တွေ့ရသည်။ ကားမောင်းသူအတော်များများမှာ ခါးနာစွဲနေကြသည်။ ကားမောင်းနေစဉ်က အကောင်း၊ ကားရပ်ပြီး ဆင်းသွားလျှင် ကြည့်ပါ၊ ခါးကောင်းကောင်း မဆန့်နိုင်၊ ပြီးမှ တဖြည်းဖြည်း ဆန့်ပြီး လျှောက်သွားသည်ကို တွေ့ရသည်။
ခါးဘာကြောင့်နာ… လူဖြစ်လို့နာ
နားထောင်နေကြသူများက ရယ်ကြသည်။ အချို့က သဘောမပေါက်၊ အနောက်တိုင်း သုတေသနတစ်ခုကဆိုသည်။ မိုးကိုကျောပေး၍ ခြေလေးချောင်းထောက်သွားသော သတ္တဝါ များသည် ခါးမနာကြပေ။ မိုးကိုခေါင်းပြု၍ မတ်တတ်သွားသော လူတို့တွင်သာ (ကျောရိုးဆစ်ကိုမတ်ပြီး ခန္ဓာကိုယ်ကြီးကို ထမ်းထားရသောကြောင့်) ခါးနာရောဂါ ဖြစ်သည်ဟုဆိုသည်။
အာယုဗေဒ ဆေးပညာအခေါ်အဝေါ်က ‘ကဋိသူလ’ အနောက်တိုင်းဆေးပညာအခေါ် Low back pain ခေါ် ခါးနာရောဂါသည် အဘယ်ကြောင့် ဖြစ်ရသနည်း။
(၁) အထိုင်များခြင်း၊
(၂) အရပ်များခြင်း၊
(၃) ထိခိုက်ဒဏ်ရာခါးတွင်ရခြင်း၊
(၄) လွန်ကဲသော အားကစားလေ့ကျင့်ခန်းလုပ်ခြင်း၊
(၅) အလေးအပင် မ,မှုများခြင်း၊
(၆) ကုန်း၍ အလေးမရာတွင် အနေအထားမမှန်ခြင်း၊
(၇) အိစက်သောမွေ့ရာ၊ ပျော့၍ ခွက်ဝင်သော အိပ်ရာတွင် အိပ်ခြင်း၊
(၈) လှေကားအဆင်းအတက်များခြင်း၊
(၉) ဝမ်းချုပ်၍ အိမ်သာအထိုင်ကြာခြင်း၊
(၁ဝ) ခါးရိုးဆစ် ကျီးပေါင်းတက်ခြင်း၊
(၁၁) ခါးရိုးဆစ်ရောဂါဖြစ်ခြင်း၊ (အဆစ်ရောင်၊ တီဗီ ရောဂါ)
(၁၂) ကျောက်ကပ်တွင် ကျောက်တည်ခြင်း။
အထက်ပါ အကြောင်းအရာများကြောင့် ခါးနာရောဂါ ဖြစ်ရသည်။ အခြားထူးထူးခြားခြားဖြစ်တတ်သည့် အကြောင်း များလည်း ရှိနိုင်ပါသေးသည်။
ရှေးခေတ်က ဆေးကျောင်းများတွင် ဖတ်ရှုလေ့လာ သောအခါ (၁) ထန်းတက်သမား၊ (၂) မြင်းစီးသူများတို့တွင် ခါးနာရောဂါ စွဲနေလေ့ရှိသည်ဟုဆိုသည်။
ယခုခေတ်တွင် ဆေးခန်းသို့ ရောက်လာလေ့ရှိသည့် ခါးနာသူများမှာ ငယ်ငယ်ရွယ်ရွယ်နှင့် (၁) ကွန်ပျူတာရှေ့တွင် တစ်နေကုန်ထိုင်သူများ၊ (၂) ယခုခေတ်ရောဂါဖြစ်သော တစ်နေကုန် ရောက်သည့်နေရာတွင်ထိုင်ပြီး ဖုန်းပွတ်နေသူ များတွင် အဖြစ်များပါသည်။
ခေတ်ပေါ်ရောဂါ နောက်တစ်မျိုးမှာ ဆိုင်ကယ်ကြောင့် ခါးနာခြင်းဖြစ်သည်။ စက်ဘီးများပျောက်ပြီး ဆိုင်ကယ်ခေတ်သို့ ရောက်လာပြီဖြစ်သည်။ ဆိုင်ကယ်အကောင်းစားများ ရှိသကဲ့သို့ ဈေးပေါပေါနှင့် ဝင်လာသော တရုတ်ဆိုင်ကယ် များလည်းရှိသည်။ ဘက်ထရီမကောင်းသောကြောင့်လည်း ဖြစ်တတ်သည်။ နံနက်ထလျှင် ဆိုင်ကယ်က နှိုးမရ၊ုငခှုအမေအ ခေါ် ခြေနင်းနှိုးရသည့် ခြေနင်းကန်ကို ကန်ရင်း ခါးမျက်သွားသူ များစွာတွေ့ရသည်။ အချို့ မှာလည်း ဆိုင်ကယ် လဲမည်စိုး၍ ဘေးတစောင်းထောက်လိုက်ရာမှ ခါးနာသွားသည်။ အမှုမဲ့ အမှတ်မဲ့နေရာမှ ခါးနာမပျောက်တော့ဘဲ စွဲပြီးနာနေသူ များစွာတွေ့ရသည်။
ရှေးက စက်ဘီးစီးသူနှင့် ဆိုက်ကားနင်းသူများတွင် ခါးနာသည်ဟု သိပ်မတွေ့ရပေ။ သူတို့သည် ခြေနှစ်ဖက်ကို အတက်အကျမှန်ကန်စွာဖြင့် ခန္ဓာကိုယ်ဝိတ်ကို ခါးတွင်မထားဘဲ ခြေထောက်နှစ်ဖက်ပေါ်အားပြုပြီး စီးနင်းကြခြင်းကြောင့် ခါးမနာခြင်းဖြစ်သည်။ ဆိုင်ကယ်စီးသူများမှာ ဆိုင်ကယ်ဆိုဖာခုံ တွင် ထိုင်ပြီး ခြေနှစ်ဖက်မှာ တင်ထားရုံသာဖြစ်သည်။ အထိုင် ကြာသည့်အခါ ခန္ဓာကိုယ်၏ ဝိတ်များ ခါးပေါ်တွင်သာ သက်ရောက်လျက်ရှိနေသည်ကို တွေ့ရသည်။ ထို့ကြောင့် ဆိုင်ကယ်စီးသူများ ကြာလျှင် ခါးနာရောဂါဖြစ်လာရသည်။
ခေတ်ပြောင်းလာသည်နှင့်အမျှ လူဦးရေထူထပ်သည့် မြို့ကြီးများတွင် အထပ်မြင့်တိုက်များ ပေါ်လာသည်။ မြေညီထပ်၊ ပထမထပ်များတွင် စီးပွားရေးသမားမဟုတ်သည့် သာမန်လူတန်းစားများ မနေနိုင်ကြပေ။ ခါးနာရောဂါဖြင့် ဆေးခန်းသို့ မကြာခဏလာရသည့် ဝန်ထမ်းတစ်ဦးကို မေးမြန်းကြည့်သည့်အခါ အထပ်မြင့်တိုက်ခန်း လေးလွှာတွင် နေသည်ဟုဆိုသည်။ (လေးလွှာဆိုသည်မှာ ငါးထပ်တွင် နေရခြင်းဖြစ်သည်) အထပ်မြင့်တိုက်အနည်းငယ်တွင်သာ (အထူးသဖြင့် ကွန်ဒိုတိုက်ခန်းများတွင်သာ) ဓာတ်လှေကားခေါ် စက်လှေကားရှိသည်။ သာမန်အထပ်မြင့်တိုက်များတွင် ရိုးရိုး လှေကားဖြင့်သာ တက်ကြ၊ ဆင်းကြရသည်။
ခါးရိုးဆစ် ကျီးပေါင်းတက်ရောဂါများ ယခုဆယ်စုနှစ် အတွင်းမှာ အလွန်ခေတ်စားလာသည်။ ရှေးခေတ်က သစ်သားတွင် ကြိမ်ရက်ထားသော ကုလားထိုင်ဖြင့် ထိုင်ကြ သော လူကြီးများသည် ယခုခေတ်တွင် ဆိုဖာကုလားထိုင်ဖြင့် ထိုင်ကြရာမှ ခါးကျီးပေါင်းတက်လာသည်ဟု ယူဆကြသည်။ အမှန်မှာ အိစက်သောနေရာတွင် ထိုင်လျှင် ခါးရိုးဆစ်ချင်း ပို၍ ပိနိုင်သဖြင့် အရိုးအဆစ်နှစ်ခုကြားတွင်ရှိသော ဝါရှာနှင့်တူသော အရွတ်တုံး ပိပြား၊ ပုံစံပျက်ယွင်း၊ အရိုးချင်းထိရာမှာ ပွန်းပြီး အပွေးတက်လာခြင်းကို ကျီးပေါင်းတက်သည်ဟု ခေါ်ခြင်း ဖြစ်သည်။
အိပ်ရာတွင်လည်း အတူတူပင်ဖြစ်သည်။ သက်တမ်း ကုန်၍ စပရိန်အားပျော့ပြီး ခွက်ဝင်သည့် စပရိန်မွေ့ရာကြောင့် ခါးနာတတ်သည်။ ရေမြှုပ်မွေ့ရာလည်း ပျော့လွန်းလျှင် ခါးနာရောဂါဖြစ်နိုင်သည်။ ခါးနာရောဂါ စွဲနေသူတစ်ဦးကို မွေ့ရာဖြင့် မအိပ်ဘဲ ပျဉ်ပြားပေါ်တွင် သင်ဖြူးဖျာ ခင်းအိပ်ခိုင်းရာ သက်သာသွားသည်ကို တွေ့ရဖူးသည်။
ခါးနာခြင်းနှင့်တွဲပြီး ဆီးသွားမကောင်းဖြစ်လျှင်၊ ဆီးတွင် အနည်အမှုန်များပါလျှင် ကျောက်ကပ်တွင် ကျောက်တည်သော ရောဂါကြောင့် ခါးနာခြင်းဖြစ်နိုင်သဖြင့် ဆရာဝန်ကြီးများပြပြီး ခေတ်မီ Ultra-sound ရိုက်ပြီး ကျောက်ကပ်တွင် ကျောက်တည်ခြင်း ရှိ မရှိ စစ်ဆေးသင့်ပါသည်။
ဝမ်းချုပ်လွန်သောသူများမှာလည်း ခါးနာတတ်သည်။ အိမ်သာတွင် အထိုင်ကြာသောကြောင့် ဖြစ်သည်။ ရိုးရိုး ဆောင့်ကြောင့်ထိုင်ခြင်းထက် ဗိုလ်ထိုင်ခေါ် ကမုတ်နှင့် ထိုင်သည့်အိမ်သာက ပိုပြီး ခါးနာရောဂါကို သက်သာစေနိုင် သည်။ ဝမ်းချုပ်တတ်လျှင် အသီးအနှံ များများစား၊ ရေများများ သောက်၊ ညအိပ်ရာဝင် မန်ကျည်းဖျော်ရည်သောက်ပေးလျှင် သက်သာစေနိုင်ပါသည်။
ခါးနာ ဆားနင်း၊ ဆွားပွတ်ကုသနည်း
ခါးမှာ ရေစိုအဝတ်ကို (ရေကုန်အောင်ညှစ်ပြီးမှပတ်) ပတ်ထားပြီး ဆားနင်းပါ။ သို့မဟုတ် ပက်လက်အိပ်ပြီး ခြေဖဝါး ဆားပွတ်ပါ။ အခြားသူတစ်ယောက်ကို ပွတ်ခိုင်းရပါမယ်။ ရေဆွတ်ပြီး ပွတ်ပါ။ ခြောက်သွားရင် ရေထပ်ဆွတ် ၁ဝ ကြိမ်ခန့် ပွတ်ပါ။ ခါးက ရေစိုအဝတ် ခြောက်သွားပါလိမ့်မည်။ တစ်နေ့ နှစ်ကြိမ်၊ နံနက်/ည ပြုလုပ်နိုင်ပါသည်။ ရေရှည် ပြုလုပ်ပါ။ လက်တွေ့ပျောက်သော နည်းဖြစ်ပါသည်။
ခါးနာအတွက် ဆေးနည်းတိုများ
– သက်ရင်းကြီးရွက်များကို ခါးတွင်ကပ်ပြီး အဝတ်ဖြင့် စည်းထားပါ။ နှစ်နာရီကြာလျှင်၊ ယားလာလျှင် ဖြေပေးပါ။
– သက်ရင်းကြီးရွက် ခုနစ်ရွက်ကို အိပ်ရာအောက်တွင် ခင်းအိပ်လျှင် ခါးနာသက်သာသည်ဟု ရှေးလူကြီးများ သုံးကြသည်။
– ကိုရန်ကြီး (ခတ္တာပင်) အရွက်ကို ပျော့အောင် မီးကင်ပါ။ မုန်ညင်းဆီ (သို့) နှမ်းဆီသုတ်၍ ခါးတွင်ကပ်ပြီး အဝတ်ဖြင့် ပတ်စည်းထားပါ။
– ဗာဒံရွက် (ဗန်ဒါရွက်) အစိမ်းရောင်အရွက်နုကို ခါးတွင် သုံးရွက်ခန့်ကပ်ပြီး ခါးနာလျှင် ပတ်သည့်ခါးပတ်ဖြင့် ပတ်ထားလျှင် ခါးကြောညှပ်၊ ခါးဆစ်နာ၊ သက်သာစေသည်။
– သင်္ဘောရွက်ကို ပျော့အောင်ရေနွေးစိမ် ခါးတွင်ကပ်ပြီး ပတ်ထားလျှင် သက်သာစေသည်။
– ချင်းခြောက်မှုန့် နှစ်ဆ+ လင်းနေမှုန့် တစ်ဆ+ သစ်ကြံပိုး ခေါက်မှုန့် တစ်ဆ ရောစပ်၍ရေနွေးဖြင့် ကြေညက်အောင် ခေါက်ဖျော်ပြီး ဂွမ်း (သို့) ပတ်တီးစပေါ်တွင် သုတ်လိမ်း၊ ခါးတွင်ကပ်ပြီးအိပ်လျှင် ခါးနာ၊ ကျီးပေါင်းတက်နာ သက်သာ စေနိုင်သည်။
– တောရှောက်မြစ်၊ ဝံအူမြစ်၊ စာသူငယ်ဦးနှောက်၊ ပိတောက်သားအနှစ်တို့ကိုသွေးပြီး လိမ်းပေး (သို့) အမှုန့်ကြိတ်ပြီး ရေဖြင့် ဖျော်လိမ်းပေးပါက ခါးနာသက်သာ စေသည်။
– မိဿလင်ဥ (သို့) အမှုန့်ကို ကြပ်ထုပ်လုပ်ပြီး ရေနွေးငွေ့ ခံထိုးပေးလျှင် ခါးကိုက်၊ လှည့်စောင်းမရဝေဒနာ သက်သာ စေသည်။
– ဆားခါးထုပ်ကို ရေစိမ်ကန်တွင်ထည့်ဖျော်ပြီး စိမ်ပေးလျှင် ခါးနာသက်သာစေသည်။
– တမာရွက်၊ သက်ရင်းကြီးရွက် (သို့) အခေါက်များ ပြုတ်ရည် ဖြင့် ရေချိုးပေးလျှင်လည်း ခါးနာသက်သာစေသည်။
– ခါးနာလျှင် ဆေးခါးကြီး (သို့) ရှမ်းဆေးခါးပြုတ်ရည် (အကြမ်းပန်းကန်တစ်လုံးစာ) တစ်နေ့ နှစ်ကြိမ်သောက်လျှင် သက်သာသည်။
– ဓာတ်စာအနေဖြင့် ခွေးတောက်ရွက်နှင့် ကြက်ရိုးဟင်းချို ချက်သောက်လျှင် သက်သာစေသည်။
ခါးနာအတွက် ဆေးပရုတ်ဆီချက်နည်း
– မင်သော်ဆီ နှစ်ကျပ်သား၊ မီသိုင်း သုံးကျပ်သား၊ ပက်ပါမင် ငါးကျပ်သား၊ ပရုတ် ၂၄ ကျပ်သား၊ ထင်းရှူးဆီ ၁ဝ ကျပ်သား၊ မုန်ညင်းဆီ ၄ဝ ကျပ်သား၊ ပျားဖယောင်း ၁၆ ကျပ်သား၊ (မုန်ညင်းဆီ အရင်တည်။ ဆူပြီးမှ ပျားဖယောင်းထည့်၊ ကျန်ဆေးမယ်များ အဆင့်ဆင့်ထည့်သွား။ မီးဖိုပေါ်မှ ချပြီးမှ နောက်ဆုံး ပရုတ်ထည့်ပါ။ အငွေ့လုံအောင် ခေတ္တအုပ်ထား ပါ။ မအေးခဲမီ ဖန်ပုလင်းငယ်များတွင် ခွဲထည့်ပါ။ အေးခဲလျှင် ဆေးပရုတ်ဆီ ဖြစ်ပါသည်။)
မိမိအိမ်တွင် ကိုယ်တိုင်ဆေးဖော်ပြီး ဆေးချက်၍ သုံးစွဲ နိုင်သော လိမ်းဆေးနည်းဖြစ်ပါသည်။

ကြည်လွင်မြင့်(မုဒြာ)

Credit To: myanmaralinn