ကုန်သည်စက်မှုအသင်းချုပ်နှင့် မြန်မာနိုင်ငံအခြေစိုက် နိုင်ငံတကာကုန်သည်စက်မှုအသင်းများ၏ ယနေ့ နံနက်ပိုင်း အစည်းအဝေးတွင် နိုင်ငံတကာအသင်းများမှ ကျွမ်းကျင်သူ ပညာရှင်များအား အသင်းချုပ်၏ လုပ်ငန်းကော်မတီအသီးသီးတွင် ပါဝင်ကာ မြန်မာ့စီးပွားရေးဖွံ့ဖြိုးလာစေရေးအတွက် ပူးပေါင်းဆောင်ရွက်ကြရန် ကုန်သည်စက်မှုအသင်းချုပ်က ဖိတ်ခေါ်ခဲ့ပါသည်။
အချို့ ကျွမ်းကျင်သူများအနေဖြင့် အသင်းချုပ်၏ မြန်မာစီးပွားရေးဖိုရမ် လုပ်ငန်းအဖွဲ့တွင် ပါဝင်အားဖြည့်လျက်ရှိကြရာ၊ အသင်းချုပ်၏ လုပ်ငန်းကော်မတီများ ဥပမာ ပို့ကုန်မြှင့်တင်ရေးကော်မတီ၊ SME လုပ်ငန်းများ ဖွံ့ဖြိုးတိုးတက်လာစေရေးကော်မတီ စသည်တို့တွင်ပါ ပါဝင်ကာ အကြံဉာဏ်များနှင့် ကျွမ်းကျင်မှုများဖြင့် အားဖြည့်ကူညီပေးရန် ဖိတ်ခေါ်ခဲ့ခြင်းဖြစ်ပါသည်။
ယနေ့တွေ့ဆုံပွဲတွင် အဓိကအားဖြင့် မြန်မာ့စီးပွားရေးလုပ်ငန်းများအတွက် လက်ရှိ အဓိကအခက်အခဲဖြစ်နေသည့် ကိစ္စရပ်များဖြစ်သည့် မြန်မာငွေ တန်ဖိုးကျဆင်းခြင်း (ဒေါ်လာဈေးတက်ခြင်း) နှင့် ပြင်ဆင်ရန်လိုအပ်သည့် အကောက်ခွန်၊ အခွန်အခ နှင့် ဥပဒေ စည်းမျဉ်းစည်းကမ်းများ ကို ကဏ္ဍအလိုက် ဆွေးနွေးခဲ့ပြီး ပြုပြင်ပြောင်းလဲသင့်သည်များကို အမြင်ချင်းဖလှယ်ဆွေးနွေးခဲ့ကြသည်။
မြန်မာနိုင်ငံအတွင်းရှိ အမေရိကန်၊ ဥရောပ၊ သြစတေးလျ၊ ဂျာမနီ၊ ဂျပန်၊ အိန္ဒိယ၊ ဟောင်ကောင်၊ ထိုင်ဝမ်နှင့် ထိုင်းနိုင်ငံ ဆိုင်ရာ ကုန်သည်စက်မှုအသင်းများမှ ကိုယ်စားလှယ်များက တက်ရောက်ခဲ့ကြပြီး၊ အသင်းချုပ် ဒုတိယဥက္ကဋ္ဌ ဒေါက်တာမျိုးသက်၊ ဗဟိုအလုပ်အမှုဆောင် ဦးမိုးကျော်၊ ဒေါက်တာတင်လတ်နှင့် ပုဂ္ဂလိကကဏ္ဍ ကိုယ်စားလှယ်များက တွေ့ဆုံဆွေးနွေးခဲ့ကြသည်။
ကုန်သည်စက်မှုအသင်းချုပ်အနေဖြင့် နိုင်ငံခြားရင်းနှီးမြှုပ်နှံမှုအား ဖိတ်ခေါ်ဆွဲဆောင်နိုင်ရန် ရည်ရွယ်ချက်ဖြင့်
မြန်မာနိုင်ငံအတွင်းရှိ နိုင်ငံခြား စီးပွားရေးလုပ်ငန်းများ၏ လုပ်ငန်းဆိုင်ရာ အခက်အခဲများအား ကူညီဖြေရှင်းရန်နှင့် မြန်မာနိုင်ငံသို့ လာရောက်ရင်းနှီးမြှုပ်နှံရာတွင် အဆင်ပြေချောမွေ့စေရေး ကူညီပေးရန်အတွက် နိုင်ငံတကာကုန်သည်စက်မှုအသင်းများနှင့် စုပေါင်း တွေ့ဆုံခြင်းကို (၃) လ တစ်ကြိမ် ပြုလုပ်သွားမည်ဖြစ်ပါသည်။
ကုန်သည်စက်မှုအသင်းချုပ်
