ထိုင်းနိုင်ငံအတွင်းအလုပ်သွားရောက် လုပ်ကိုင်လျှက်ရှိသည့် အထောက်အထားမဲ့ မြန်မာအလုပ်သမားအမျိုးသား (၄၉)ဦးအမျိုးသမီး(၈)ဦးစုစုပေါင်း(၅၇)ဦးယနေ့ ဇူလိုင် ၂၅ရက်ညနေပိုင်း ကထိုင်းနိုင်ငံရနောင်းမြို့မှတဆင့် ပဲ့ချိတ်လှေ(၄)စီးဖြင့်(၁၄)ကြိမ်မြောက်အသုတ်အဖြစ်ကော့သောင်းနယ်စပ်ဂိတ်မှပြန်လည်ဝင်ရောက်လာသည်။
ပြန်လည်ဝင်ရောက်လာကြသည့် အလုပ်သမားများအားကော့သောင်းခရိုင်နှင့်မြို့နယ်အုပ်ချုပ်ရေးအဖွဲ့
အစည်းများမှတာဝန်ရှိသူများ၊မြို့ခံပရဟိတအဖွဲ့ဝင်များ၊လူမှုရေးအသင်းအဖွဲ့များကမြို့မဆိပ်ကမ်းတံတားတွင် ကြိုဆိုကြကာအစားအသောက်များလှူဒါန်းကျွေးမွေးကြ ပြီးလူမှုဝန်ထမ်း ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊တနင်္သာရီတိုင်းဒေသကြီး၊ကယ်ဆယ်ရေးနှင့် ပြန်လည်နေရာချထားရေးဦးစီးဌာန၊မြို့ခံ ကမ်းနီးအဖြူရောင်ပရဟိတအဖွဲ့တို့မှ အလုပ်သမားများ ၏နေရပ်ဒေသများဖြစ်သည့် မြိတ်၊ထားဝယ်၊မော်လမြိုင်၊ရန်ကုန်၊ ပဲခူး၊မကွေး၊စစ်ကိုင်း၊ဧရာဝတီ၊ ကရင်ပြည်နယ်နှင့်ရခိုင်ပြည်နယ်များသို့ ပြန်နိုင်ရေးမော်တော်ယာဉ်စီးနင်းခများ နှင့် လမ်းခရီးတွင် စားသောက်ရန်ကုန်ကျစရိတ် များအားကူညီပံ့ပိုးဆောင်ရွက်ပေးသည်။
ယနေ့အထိကော့သောင်းနယ်စပ်ဂိတ်မှအထောက်အထားမဲ့မြန်မာအလုပ်သမားဝင်ရောက်မှု ဦးရေစုစုပေါင်း(၁၇၅၆)ဦးရှိပြီဖြစ်ကြောင်းသိရသည်။

ကျော်စိုး (ကော့သောင်း)