Home Lifestyle Health & Fitness သွေးပေါင်ချိန်ကို လျော့ချပေးနိုင်မယ့် အစားအစာများ

သွေးပေါင်ချိန်ကို လျော့ချပေးနိုင်မယ့် အစားအစာများ

1 min read
0
0
20

သွေးပေါင်ချိန်မြင့်တက်နေတာကို ပြန်လည်လျော့ချဖို့ ကြိုးစားတဲ့အခါမှာ ဆေးဝါးတွေသာမက အစားအစာရဲ့ အခန်းကဏ္ဍကလည်း အရမ်းအရေးကြီးပါတယ်။နိုင်ငံခြားမှာတော့ စားသောက်မှုပုံစံနဲ့ သွေးပေါင်ချိန်လျော့ချဖို့ ကြိုးစားတာကို DASH လို့ ခေါ်ပါတယ်။အရှည်ပြောရရင် Dietary Approaches to Stop Hypertension လို့ ခေါ်ပါတယ်။ခင်ဗျားကို ဘာတွေစားရမယ်လို့ ပြောမှာ မဟုတ်ပါဘူး။ဘယ်အစားအစာကို ဘယ်လောက်ပမာဏစားသင့်တယ်၊ ဘယ်လိုပုံစံစားသင့်တယ်ဆိုတာကို ညွှန်ကြားပေးမှာ ဖြစ်ပါတယ်။အငံလျှော့စား ၊ အသီးအရွက်များများစား ၊ နို့ ၊အသားငါးနဲ့ ပဲ စတာတွေ မျှမျှတတစား ဘာညာပေါ့။ ကဲ …. စလိုက်ကြရအောင်

အစိမ်းရောင်များများစားပါ (အရွက်များများ)
အငံဓာတ်က ခန္ဓာကိုယ်ထဲမှာ ရေတွေအများကြီးကို ထိန်းထားသလိုဖြစ်စေတယ်။အဲဒီ ရေတွေက သွေးကြောတွေကို ဖိမိတဲ့အခါ သွေးပေါင်ချိန်မြင့်တက်စေတယ်။ဘာတွေစားသင့်လည်းဆိုရင် ကိုက်လံ ၊ ပန်းဂေါ်ဖီစိမ်း၊ဟင်းနုနွယ် ၊ ဒေါက်ခွ စတဲ့ ပိုတက်ဆီယမ်ဓာတ်တက်စေတဲ့ အစိမ်းရောင်အရွက်များများစားရပါမယ်။ပိုတက်ဆီယမ်ဟာ ရေကိုဆွဲထားတဲ့ ဆိုဒီယမ်ကို ရှုရှုးနဲ့အတူတူပါသွားစေတဲ့အတွက် သွေးကြောတွေအပေါ်ကဖိအားတွေ လျော့သွားပြီး သွေးပေါင်ချိန်ပါ လျော့ကျစေနိုင်ပါတယ်။
တနေ့ဘယ်လောက်စားရမလဲ >>> ၃ – ၆ ခွက်
စားရမယ့်ပုံစံ >>> သန့်စင်အောင် ဆေးကြောပြီး အစိမ်းစားပါ

ဘယ်ရီသီး စားပါ

ဘလူးဘယ်ရီ ၊ စတော်ဘယ်ရီ နဲ့ ဘလက်ခ်ဘယ်ရီ အစရှိတဲ့ အသီးတွေရဲ့ မျက်စိပသာဒဖြစ်စရာကောင်းတဲ့အရောင်တွေကို ဖြစ်ပေါ်စေတဲ့ ရောင်ခြယ်ဆဲလ်ကို Anthocyanin လို့ ခေါ်တယ်။သူက သွေးကြောတွေကို ကောင်းကျိုးအများကြီး ပေးပါတယ်။ဘယ်လိုပေးတာလဲဆိုရင် သွေးကြောတွေကို ပြန့်ကားစေနိုင်သလို သွေးပေါင်ချိန်အပြောင်းအလဲပေါ်မှာမူတည်ပြီး လိုအပ်သလို အချုံ့အချဲ့ လုပ်ပေးနိုင်တာကြောင့် သွေးမတိုးအောင် ကာကွယ်နိုင်ပြီး နှလုံးကျန်းမာရေးကိုပါ ကောင်းမွန်စေပါတယ်။

တနေ့ဘယ်လောက်စားရမလဲ >>> ၂ – ၃ ခွက်
စားရမယ့်ပုံစံ >>> အေးခဲထားပြီး (သို့မဟုတ်) လတ်လတ်ဆတ်ဆတ်

ဒိန်ချဉ်

ကယ်လ်ဆီယမ်ဟာ သွေးပေါင်ချိန်ကို ထိန်းညှိပေးရာမှာ အရေးပါတဲ့သတ္တုဓာတ်တစ်မျိုးပဲ ဖြစ်ပါတယ်။သူက သွေးကြောတွေကို ကျဉ်းသင့်တဲ့အချိန်ကျဉ်းစေပြီး ကျယ်သင့်တဲ့အချိန်ကျယ်စေပါတယ်။အဆီဓာတ်နည်းနည်းပဲပါတဲ့ ဒိန်ချဉ်မျိုးစားပေးခြင်းက ကယ်လ်ဆီယမ်ဓာတ်ကို ရရှိပါစေလိမ့်မယ်။

တနေ့ဘယ်လောက်စားရမလဲ >>> ၂ – ၃ ခွက်
စားရမယ့်ပုံစံ >>> အဆီဓာတ်နည်း အချိုဓာတ်နည်းတဲ့ အမျိုးအစား

အဆီဓာတ်များများပါသော ငါး

ကယ်လ်ဆီယမ်ဓာတ်ကို နောက်ထပ်ရရှိနိုင်တာကတော့ ဆယ်လ်မွန် နဲ့ ဆာဒင်းန် ငါးတို့ပဲ ဖြစ်ပါတယ်။ဒါ့အပြင် အဆီများတဲ့ငါးတွေဖြစ်တဲ့ မက်ကာရယ်လ် နဲ့ ဆာဒင်းန် တို့မှာ နှလုံးကျန်းမာရေးကို အထောက်အကူအများကြီးဖြစ်စေတဲ့ Omega 3 ဓာတ်တွေ ပေါကြွယ်ဝစွာ ပါဝင်ပါတယ်။လေ့လာမှုတွေအရ ငါးမှာပါတဲ့အဆီဓာတ်တွေဟာ သွေးဖိအားလျော့ကျအောင် ကူညီပေးတယ်လို့ဆိုပါတယ်။

တနေ့ဘယ်လောက်စားရမလဲ >>> ၃ – ၆ အောင်စ
စားရမယ့်ပုံစံ >>> စည်သွပ်ဘူး ၊ ငါး ၊ ကြက် ၊ အသား

ကြက်သွန်ဖြူ

ကြက်သွန်ဖြူဟာ ခန္ဓာကိုယ်ထဲမှာ နိုက်ထရစ်အက်ဆစ်ပမာဏကို မြင့်တက်စေပြီး သွေးကြောတွေကို ကျယ်စေပါတယ်။သွေးကြောတွေ ရုန်းရညှစ်ရတာနည်းလေလေ နှလုံးအနေနဲ့လည်း သူတို့ဆီသွေးပို့ဖို့ ညှစ်ရတာနည်းလေပါပဲ။ဒါဟာ သွေးပေါင်ကို လျော့ကျစေပါတယ်။

တနေ့ဘယ်လောက်စားရမလဲ >>> ၁ – ၂ စိပ်

သံလွင်ဆီ

သံလွင်ဆီထဲမှာပါတဲ့ ပိုလီဖီနော လို antioxidants ဓာတ်တွေက သွေးကြောတွေရဲ့ ကျုံ့ဆန့်နိုင်စွမ်းကို ကောင်းမွန်စေပါတယ်။ဟင်းချက်ဆီထဲမှာတော့ သံလွင်ဆီက တကယ့်ကို ကျန်းမာရေးနဲ့ ညီစေတဲ့ ဆီမျိုးပါပဲ။

တနေ့ဘယ်လောက်စားရမလဲ >>> ၂ – ၃ လက်ဘက်ရည်ဇွန်း
စားရမယ့်ပုံစံ >>> ဟင်းချက်ရာမှာ ၊ အသုပ်သုပ်တဲ့အခါ

ပဲအမျိုးမျိုး

နေ့စဉ်စားပေးနိုင်ရင် ပဲအမျိုးမျိုးဟာ သွေးပေါင်ချိန်ကို ပုံမှန်ဖြစ်စေရုံသာမကဘဲ လျော့တောင်လျော့ကျစေနိုင်ပါတယ်။ဒါ့အပြင် အမျှင်ဓာတ်လည်းကြွယ်ဝတာကြောင့် နှလုံးသွေးကြောကျဉ်းရောဂါကနေလည်း ကာကွယ်ပေးနိုင်ပါသေးတယ်။

တနေ့ဘယ်လောက်စားရမလဲ >>> ၁ ခွက်
စားရမယ့်ပုံစံ >>> ချက်ပြုတ်ပြီးစားပါ

ချောကလက်အနက်

ချောကလက်အနက်စားပေးခြင်းဟာ သင့်ခန္ဓာကိုယ်မှာ Flavanol ဆိုတဲ့ဓာတ်ကို ပေးစွမ်းပါတယ်။သူကလည်း ကြက်သွန်ဖြူလိုပဲ နိုက်ထရစ်အောက်ဆိုက်ကို မြင့်တက်စေပြီး သွေးကြောတွေကို ကျယ်စေပါတယ်။ဒါဟာ သွေးပေါင်ချိန်ကို လျော့ကျစေပါတယ်။

စားရမယ့်ပုံစံ >>> ရံဖန်ရံခါ စားပါ

အစားအစာတွေချည်းပဲတော့လည်း မဟုတ်ပါဘူး
သွေးတိုးရောဂါရှိနေခဲ့ရင် ဖော်ပြခဲ့တဲ့အစားအစာတွေက သင့်ရဲ့ သွေးပေါင်ချိန် အခြေအနေကို ထိန်းပေးထားနိုင်မှာပါ။သူတို့ချည်းပဲလား ဆိုရင်တော့ မလုံလောက်သေးပါဘူး။ ကိုယ်အလေးချိန် လွန်ကဲနေရင် လျော့ချပါ။လေ့ကျင့်ခန်းပုံမှန်လုပ်ပါ။ဆရာဝန်ညွှန်ကြားတဲ့ဆေးတွေ မှန်မှန်သောက်ပါ။

 

 

 

 

 

 

Load More In Health & Fitness

Leave a Reply

Your email address will not be published. Required fields are marked *

Check Also

ရင်ဂိုရဲ့ သီချင်းတွေကို နားဆင်ခံစားချင်တဲ့ သူတွေအတွက် စက်တင်ဘာ ၁၄ ရက်နေ့ FG Live Lounge

တေးသံရှင် ရင်ဂိုရဲ့ သီချင်းတွေကို နားဆင်ခံစားချင်တဲ့ သူတွေအတွက် စက်တင်ဘာ ၁၄ ရက်နေ့ FG Live…