နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ယနေ့ နံနက်ပိုင်းက နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန(၂)(MICC-2)၌ ကျင်းပသည့် ၂ဝ၁၈ ခုနှစ်၊ ပညာရေးဖွံ့ဖြိုးတိုးတက်မှု အကောင်အထည်ဖော်ရေး နှီးနှောဖလှယ်ပွဲသို့ တက်ရောက်အမှာစကားပြောကြားသည်။
နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြားခဲ့သည့် မိန့်ခွန်းအပြည့်အစုံမှာ အောက်ပါအတိုင်းဖြစ်ပါသည် –
”ဒီနေ့ ဆွေးနွေးမယ့်ကိစ္စတွေက ကျွန်မတို့နိုင်ငံအတွက် အင်မတန်မှ အရေးကြီး တယ်ဆိုတာ ထူးထူးထွေထွေပြောဖို့ မလိုဘူးထင်ပါတယ်။ အဆင့်မြင့်ပညာကဏ္ဍ ဆိုပေမယ့် ကျွန်မတို့ အခက်အခဲရှိတာက ဘာလဲဆိုတော့ မူလတန်းကနေ ပညာဆိုတာ စရတာဖြစ်ပါတယ်။ နှစ်ပေါင်းများစွာ မူလတန်းကတည်းက ပညာရေးစနစ် အားနည်းတဲ့ အခါကျတော့ အဆင့်မြင့်ရောက်တော့မှ ကျွန်မတို့ရဲ့ လူငယ်တွေကို အဆင့်မြင့်အောင် လုပ်ပေးဖို့ဆိုတာ ပိုပြီးတော့ ခက်ခဲပါတယ်။ ဒါကြောင့် အဆင့်မြင့်ကဏ္ဍမှာ ရုန်းကန် ရတဲ့ ဆရာ ဆရာမများ၊ ပညာရေးဝန်ကြီးဌာနအပါအဝင် အခက်အခဲတွေရှိတယ်ဆိုရင် ကျွန်မတို့ရဲ့ ကျောင်းသူ ကျောင်းသားတွေအတွက်လည်း အခက်အခဲရှိပါတယ်။ အခြေခံက မကောင်းခဲ့တော့ မကောင်းခဲ့တဲ့အခြေခံကို ကျော်လွှားပြီးတော့ ဘယ်လို လုပ်ပြီး ကောင်းတဲ့နိဂုံးကို ရောက်မလဲဆိုတာကို စဉ်းစားဖို့ပဲ ဖြစ်ပါတယ်။ အဆင့်မြင့် ပညာကဏ္ဍမှာပါဝင်နေတဲ့ ပုဂ္ဂိုလ်များအားလုံးရဲ့တာဝန်ဟာ အင်မတန်မှ ကြီးပါတယ်။
အောင်မြင်မယ်ဆိုတဲ့ ယုံကြည်ချက်
”ပညာရေးအောင်မြင်ဖို့ဆိုရင် အောင်မြင်မယ်ဆိုတဲ့ ယုံကြည်ချက်က ရှိရမယ်။ ကျွန်မတို့ လူငယ်တွေစိတ်ထဲမှာ ရှိရမယ်။ လူငယ်တွေထဲမှာ ယုံကြည်ချက်ရှိဖို့ဆိုတာဟာ သွန်သင်ဆုံးမတဲ့ မိဘများနဲ့ ဆရာ ဆရာမများဟာလည်း ဒီယုံကြည်ချက် ရှိရမယ်။ အောင်နိုင် နိုင်တဲ့လူငယ်တွေဖြစ်လို့ အောင်နိုင်မယ်ဆိုတဲ့ ယုံကြည်ချက်ရှိဖို့ လိုပါတယ်။
လူမှုအသိုင်းအဝိုင်းမှာ ပညာကိုတန်ဖိုးထား
”လူ့အသိုင်းအဝိုင်းတစ်ခု တိုးတက်ဖို့အတွက် ဘယ်လိုပညာတွေလိုသလဲဆိုတာ ကျွန်မတို့ စဉ်းစားဖို့အများကြီး လိုပါတယ်။ ကိုယ့်နိုင်ငံရဲ့ အားနည်းချက်တွေကို ပြန်ကြည့် ရမယ်။ နောက်ပြီး ကိုယ့်နိုင်ငံရဲ့ အားသာချက်တွေကိုလည်း ကြည့်ရမယ်။ ပညာရေးနဲ့ ပတ်သက်လို့ ကျွန်မတို့နိုင်ငံရဲ့ အားသာချက်၊ ကျွန်မတို့ယဉ်ကျေးမှုရဲ့အားသာချက် ဆိုတာ သမိုင်းအစလောက်ကတည်းက ကျွန်မတို့ရဲ့ လူမှုအသိုင်းအဝိုင်းမှာ ပညာကို အင်မတန်မှ တန်ဖိုးထားခဲ့ပါတယ်။ ပညာရဲရင့် ပွဲလယ်တင့် စသဖြင့် ပညာကို ကျွန်မတို့ အထူး တန်ဖိုးထားတယ်။ ပညာဆိုတာဟာ အတန်းထဲမှာသင်တဲ့ ပညာတင် မဟုတ် ပါဘူး ဆိုတာလည်း ကျွန်မတို့အားလုံး နားလည်ဖို့လိုတယ်။ ကျွန်မတို့ ကလေးတွေ နားလည်ဖို့လည်း လိုပါတယ်။
သင်ခန်းစာယူတာနဲ့ အတုခိုးတာမတူ
”အခုလက်ရှိ ကျွန်မတို့နိုင်ငံရဲ့အခြေအနေက မူလတန်း၊ အလယ်တန်း၊ အထက် တန်းကျောင်းမှာ ပြည့်ပြည့်ဝဝ ပညာကို အဆင့်မီမီ မသင်ခဲ့ရတဲ့ကလေးတွေကို တက္ကသိုလ်ရောက်တဲ့အခါ ဘယ်လိုအဆင့်မီသွားအောင် လုပ်မလဲဆိုတော့ ဒါဟာ ကျွန်မတို့နိုင်ငံအတွက် အကြီးမားဆုံး စိန်ခေါ်မှုကြီးပါပဲ။ အခုခေတ်မှာ ခေတ်စားနေတဲ့ စကားလုံးဖြစ်တဲ့ ကျော်လွှားပြီးသွားနိုင်တဲ့နည်းတွေကို ရှာရမယ်ဆိုပြီးတော့ ပြောကြ တယ်။ ကျွန်မ တစ်ခါတလေ စဉ်းစားတယ်၊ အရှေ့မှာရှိတဲ့ ခလုတ်တံသင်းကို ခုန်ပြီးတော့ ကျော်လွှားသွားတယ်ဆိုတာက တခြားသူတွေသွားခဲ့တဲ့ လမ်းပုံစံအတိုင်းပဲ သွားနေ တယ်ဆိုတဲ့ အထင်တွေအပေါ်မှာများ အခြေခံနေလားဆိုပြီးတော့ စဉ်းစားမိပါတယ်။ ဒါကြောင့် ကျွန်မတို့က ဒီလို ခုန်ပျံကျော်လွှားတာထက် ကိုယ့်လမ်းကို၊ ကိုယ့်ရဲ့ သင့်တော် တဲ့လမ်းကို ရှာပြီး၊ ဒီလမ်းကို ဖောက်ပြီးတော့၊ ပြုပြင်ပြီးတော့ သွားဖို့ မကောင်းဘူး လားဆိုတာ ကျွန်မတို့ စဉ်းစားဖို့ ကိစ္စဖြစ်ပါတယ်။အဲဒီလို လုပ်တဲ့အခါ တခြားနိုင်ငံတွေရဲ့ အတွေ့အကြုံတွေ၊ အောင်မြင်မှုတွေနဲ့ ရှုံးနိမ့်မှုတွေကိုကြည့်ပြီး သင်ခန်းစာယူနိုင် ပါတယ်။ သင်ခန်းစာယူတာနဲ့ အတုခိုးတာ မတူပါဘူး။ သင်ခန်းစာယူတယ်ဆိုတာ သူများတွေရဲ့ အဖြစ်အပျက်တွေကို ကြည့်ပြီးတော့ ဒီအဖြစ်အပျက်တွေအပေါ်မှာ အခြေခံပြီး ကိုယ့်အခြေအနေကို အကောင်းဆုံး ဘယ်လိုဖြစ်အောင်လုပ်မလဲဆိုတာ ဒါသင်ခန်းစာ ယူတာပါ။ အတုခိုးတယ်ဆိုတာ တစ်ခါတလေ ကိုယ်ရဲ့အခြေအနေနဲ့ သင့်တော်သလား၊ မသင့်တော်သလား မစဉ်းစားဘဲနဲ့ သူတို့ ဒီလိုလုပ်လို့ သူတို့ နိုင်ငံ ချမ်းသာတာ၊ တို့လည်း ဒီလိုလုပ်မယ်ဆိုတာ အဲဒါမဖြစ်နိုင်ပါဘူး။ တစ်နိုင်ငံနဲ့တစ်နိုင်ငံ အခြေအနေ မတူပါဘူး။ တစ်နိုင်ငံတိုးတက်တဲ့ အချိန်ကာလနဲ့ နောက်တစ်နိုင်ငံ တိုးတက်တဲ့ အချိန်ကာလဟာ မတူပါဘူး။ ကျွန်မတို့ နိုင်ငံတိုးတက်ဖို့ စိုင်းပြင်းနေတဲ့ အချိန်ကာလဟာ ကျွန်မတို့ ဒေသအတွင်းက ၁၉၈ဝ ကျော်နှစ်တွေမှာ တိုးတက်ခဲ့တဲ့၊ အောင်မြင်ခဲ့တဲ့ နိုင်ငံတွေ ရင်ဆိုင်ရတဲ့ ပြဿနာတွေနဲ့ မတူပါဘူး။ ဒါကြောင့် ကျွန်မတို့ ဟာ ကိုယ့်နိုင်ငံနဲ့ ကိုက်ညီတဲ့ ပညာရေးဖွံ့ဖြိုးတိုးတက်မှုကို ဦးတည်ဖို့ဟာ အင်မတန်မှ အရေးကြီးပါတယ်။
ကိုယ့်ပတ်ဝန်းကျင်ရဲ့ လွှမ်းမိုးမှုက အင်မတန်မှအရေးပါ
”အခုဆိုရင် ကျွန်မတို့တွေ့ရတာက ကျောင်းမှာရှိတဲ့ ကလေးတွေ၊ မူလတန်း ကျောင်းကလေးတွေနဲ့ အလယ်တန်းကျောင်းကလေးတွေရဲ့ စိတ်ထားအင်မတန်မှ အားတက်စရာရှိပါတယ်။ သူတို့ကိုယ်သူတို့ ယုံကြည်မှုရှိတယ်။ သူတို့ သင်ချင်တဲ့စိတ် ရှိတယ်။ သွက်လက်တယ်၊ ဖျတ်လတ်တယ်၊ ထက်မြက်တယ်။ အထက်တန်းကျတော့ ဘယ်လိုရှိသလဲဆိုတာ ဆရာ၊ ဆရာမတွေပိုပြီးတော့ သိမှာပါ။ တက္ကသိုလ်ရောက်တဲ့အခါ ဘယ်လိုရှိသလဲ။ သင်ယူချင်တဲ့စိတ်တွေ ရှိရဲ့လားဆိုတာ အရေးကြီးဆုံးပါပဲ။ လူတွေက ကောင်းတယ်၊ ဆိုးတယ်၊ ထက်တယ်၊ တုံးတယ် ကျွန်မခွဲခြားပြီး မမြင်ပါဘူး။ သင်လို့ရတဲ့ ပုဂ္ဂိုလ်နဲ့ သင်လို့မရတဲ့ ပုဂ္ဂိုလ်တွေဆိုတာ အသက်အရွယ်နဲ့လည်း မဆိုင်ပါဘူး။ အချို့တွေ က အသက် ၉ဝ ကျော်ပေမယ့် သင်လို့ရပါသေးတယ်။ အချို့တွေက ငယ်ငယ်လေးနဲ့ သင်လို့မရပါဘူး။ သင်လို့ရတဲ့စိတ်နဲ့ သင်လို့မရတဲ့စိတ်ကြားမှာ ဘာကွာခြားသလဲ ဆိုတော့ ကိုယ့်ပတ်ဝန်းကျင်ရဲ့ လွှမ်းမိုးမှုက အင်မတန်မှ အရေးပါတယ်။ ငယ်ငယ် ကတည်းက သင်ချင်တဲ့စိတ်ကို ပြုစုပျိုးထောင်ခြင်းခံရတဲ့ ကလေးတွေဟာ အသစ်လည်း သင်ချင်တဲ့ စိတ်တွေရှိလာတယ်။ ငယ်ငယ်ကတည်းက သင်ချင်တဲ့စိတ်ကို အားပေး တာမဟုတ်ဘဲနဲ့ စူးစမ်းချင်တာ၊ မေးမြန်းချင်တာ သိချင်တာတွေကို စပ်စုရကောင်းလား အပိုတွေမေးရ ကောင်းလားဆိုပြီးတော့ အဲဒီလို တုံ့ပြန်မှုတွေနဲ့ ကြုံခဲ့ရတဲ့ ကလေး တွေဟာ ခပ်မြန်မြန် သိချင်တတ်ချင် ထိုးဖောက်ချင်တဲ့စိတ်တွေ တုံးသွားတယ်။ ဒါကြောင့် ကျွန်မတို့ရဲ့ အဆင့်မြင့်ပညာရေးတိုးတက်ဖို့ဆိုရင် သင်ချင်တဲ့စိတ်တွေကို အားပေးစေချင်ပါတယ်။
အရည်အချင်းတွေကို အပြည့်အဝသုံး
”နောက်ပြီး ရှုံးနိမ့်ဖို့ကို မကြောက်ပါနဲ့။ ရှုံးနိမ့်တယ်ဆိုတာ ကျွန်မတို့နိုင်ငံမှာ ဘယ်လိုဖြစ်နေလဲဆိုတော့ အထူးသဖြင့် စာမေးပွဲစနစ်ကြောင့်မို့ ရှုံးနိမ့်တယ်ဆိုတာ သူများနဲ့ယှဉ်ပြီး ကိုယ့်ကိုမြင်ကြတဲ့ဟာမျိုး၊ သူ့ထက် အမှတ်နည်းလို့ရှိရင် ကိုယ်က ရှုံးတယ်၊ သူကနိုင်တယ်ပေါ့။ ဒီလိုမဟုတ်ဘဲနဲ့ ကိုယ့်ရဲ့အရည်အချင်းနဲ့ပဲ ကိုယ်ပြန်ပြိုင် ပါဆိုတာ ကျွန်မ ခဏခဏပြောပါတယ်။ ကိုယ့်မှာရှိတဲ့ အရည်အချင်း၊ ကိုယ်ထုတ်နိုင် တဲ့စွမ်းရည် အဲဒါတွေနဲ့ပဲ ကိုယ်ပြန်ပြိုင်ပါ။ ကိုယ့်မှာရှိသလောက် အရည်အချင်းတွေကို အပြည့်အဝသုံးကြပါ။ ကိုယ့်ကိုယ်ကိုယ် အတော်ဆုံးဖြစ်အောင် လုပ်ကြပါ။ ကိုယ်နဲ့ပဲ ကိုယ်ပြိုင်တာဟာ အကောင်းဆုံးပါပဲ။ ဘေးကလူတွေနဲ့ ပြိုင်နေတာဟာ ကိုယ့်ရဲ့ အရည်အချင်းတွေကိုလည်း မေ့တတ်တယ်။ ဘေးကလူတွေကိုပဲ ကြည့်ပြီး သူဘယ်လို ဖြစ်လို့ရှိရင် တို့လည်း ဒီလိုဖြစ်ရမယ်။ သူဒီလောက်ရရင် တို့လည်း ဒီလိုရရမယ်။ အဲ့ဒီလို စိတ်တွေကို အားမပေးပါနဲ့။ အဲဒီလိုဟာက တစ်ယောက်နဲ့တစ်ယောက် မနာလိုတဲ့ စိတ်တွေကို အားပေးရာရောက်ပါတယ်။ ဒါဟာ လူအသိုင်းအဝိုင်းတစ်ခုအတွက် အားနည်းချက်တစ်ခုပါပဲ။ တစ်ဦးနဲ့တစ်ဦး မနာလိုတဲ့စိတ်တွေရှိနေရင် တစ်ယောက်ရဲ့ အောင်မြင်မှုတွေကို မုဒိတာမပွားနိုင်ရင် လူ့အသိုင်းအဝိုင်းအပေါ်မှာ သက်ရောက်မှုတွေ အများကြီး ရှိပါတယ်။
ကိုယ့်ကိုယ်ကိုယ်သုံးသပ်ဖို့ဟာလည်း အရေးကြီး
”အဆင့်မြင့်ပညာနဲ့ပတ်သက်ပြီး ပညာရေးနဲ့ပတ်သက်ပြီး လူကြီးလူငယ် မခွဲခြား ဘဲ မြင်စေချင်ပါတယ်။ တက္ကသိုလ်ကျောင်းတက်နေမှလည်း မဟုတ်ဘူး။ အဆင့်မြင့် ပညာဆိုတာ ဆည်းပူးလို့ကုန်နိုင်တဲ့ပညာမျိုး မဟုတ်ဘူးဆိုတာ သတိပေးချင်ပါတယ်။ ကျွန်မတို့နိုင်ငံမှာ ဘယ်ဘက်မှာ စွမ်းအားတွေ လိုနေသလဲဆိုတော့ အဓိကလိုနေတဲ့ နေရာတစ်ခုကတော့ အမှန်ပြောရရင် နိုင်ငံ့ဝန်ထမ်းတွေပါပဲ။ နိုင်ငံ့ဝန်ထမ်းတွေဆိုတာ နှစ်ပေါင်းများစွာ အရင်တုန်းက ပညာရေးစနစ်ကနေ ဖြတ်ကျော်ခဲ့ပြီးတော့ အခု နိုင်ငံ့တာဝန်တွေကို ထမ်းဆောင်နေတဲ့အဆင့်ကို ရောက်လာပြီ။ နိုင်ငံ့တာဝန်တွေကို ထမ်းဆောင်နေတဲ့အဆင့်ကို ရောက်တဲ့အခါ ပြီးပြည့်စုံမှုရှိရဲ့လားဆိုတာ ကိုယ့်ကိုယ်ကိုယ် ပြန်ပြီးသုံးသပ်တဲ့ဝန်ထမ်းတွေလည်း ရှိလာလိမ့်မယ်လို့ ကျွန်မ မျှော်လင့်ပါတယ်။ အဲဒီလို သုံးသပ်ဖို့ဟာလည်း အင်မတန်မှ အရေးကြီးပါတယ်။ အဲဒီလို သုံးသပ်မှလည်း ကိုယ့်ကိုယ်ကိုယ်ဆက်ပြီး ပြုပြင်နိုင်မှာပါ။ အဆင့်မြင့်ပညာရေးစနစ်ဆိုတာဟာ ကျောင်းမှာနေတဲ့ ကျောင်းသားတွေသာမဟုတ် တက္ကသိုလ်တွေမှာရှိနေတဲ့ ကျောင်းသူ ကျောင်းသားတွေသာမဟုတ်၊ နိုင်ငံမှာရှိနေတဲ့ ပြည်သူအားလုံးကို ဦးတည် ပြီးတော့ စဉ်းစားပြီးတော့ အကောင်အထည်ဖော်ပေးစေချင်ပါတယ်။
မူလတန်းနဲ့ အဆင့်မြင့်ကို ခွဲခြားပြီး မမြင်စေချင်
”အခု ပညာရေးစနစ်နဲ့ပတ်သက်ပြီး ပိုပြီးတော့ သုံးစွဲလာတာတွေရှိပါတယ်။ ပိုပြီး သုံးစွဲလာတာထက် မှန်မှန်ကန်ကန်သုံးစွဲတာက ပိုပြီးအရေးကြီးပါတယ်။ ရှိတဲ့ ပိုက်ဆံကို ကျွန်မတို့နိုင်ငံအတွက် အကောင်းဆုံးဖြစ်အောင် ဘယ်လိုသုံးစွဲရမလဲဆိုတာ စဉ်းစားဖို့ ဟာ အင်မတန်အရေးကြီးပါတယ်။ အခြေခံကောင်းမှ၊ အစကောင်းမှ အနှောင်း သေချာမယ်ဆိုတာ အခြေခံကောင်းဖို့ လိုပါတယ်။ ကျွန်မတို့ရဲ့ ပညာရေးစနစ်အရ ကျွန်မတို့ရဲ့ စံနှုန်းစံထားတွေအရဆိုရင် တက္ကသိုလ်ဆရာ၊ ဆရာမတွေကို မူလတန်းဆရာ ဆရာမတွေထက် အများကြီးအထင်ကြီးကြတယ်။ ဒီဟာလည်း မှန်တယ်လို့ မယူဆ ပါဘူး။ မူလတန်းကျောင်းမှာ တော်တဲ့ ဆရာ ဆရာမတွေဟာ ကလေးတွေရဲ့ အနာဂတ်ကို ကောင်းကောင်း ခိုင်ခိုင်မာမာ အုတ်မြစ်ချပေးလိုက်တဲ့ ပုဂ္ဂိုလ်တွေပဲဖြစ်ပါတယ်။ ဒီအုတ်မြစ်အပေါ်မှာ ဆက်ပြီးတော့ မူလတန်းကျောင်း၊ အထက်တန်းကျောင်း တက္ကသိုလ်ကနေပြီးတော့ အဆောက်အအုံမျိုးတွေကို ဆောက်ပေးရတာပါ။ အဆင့်မြင့် ပညာကဏ္ဍမှာပါဝင်နေတဲ့ ပညာရေးဝန်ထမ်းများ၊ ပညာရေးနဲ့ ပတ်သက်လို့ စိတ်ဝင်စားကြတဲ့ ပြည်သူပြည်သားတွေဟာ မူလတန်းနဲ့ အဆင့်မြင့်ကို ခွဲခြားပြီး မမြင် စေချင်ပါဘူး။ တစ်ဆက်တည်းအဖြစ် မြင်စေချင်ပါတယ်။ တစ်ဆင့်ပြီးတစ်ဆင့် တက်သွားတဲ့ ဖြစ်စဉ်တစ်ခုအနေနဲ့ မြင်စေချင်ပါတယ်။
ကိုယ့်ကိုယ်ကိုယ်ပဲ အားကိုးရမှာဖြစ်
”ပွင့်ပွင့်လင်းလင်းပြောရရင် ဆရာ ဆရာမတွေ ကိုယ်တိုင်ကိုယ်က အားနည်းတဲ့ ပညာရေးစနစ်ကနေ ပေါက်ဖွားလာခဲ့ကြတာ များပါတယ်။ ဒါပေမယ့် နောက်မကျသေးပါ ဘူး။ ကိုယ့်အရည်အချင်းတွေကို မြှင့်တင်နိုင်ခွင့်ဆိုတာ တစ်ချိန်လုံးရှိနေပါတယ်။ အဲဒီတော့ လေ့လာကြပါ၊ မြှင့်တင်ဖို့ကြိုးစားကြပါ။ ကိုယ့်အရည်အချင်းကို မြှင့်တင် ခြင်းအားဖြင့် ကိုယ့်နိုင်ငံရဲ့အရည်အချင်းကို မြှင့်တင်ပေးတယ်ဆိုတဲ့စိတ်နဲ့ ဂုဏ်ယူကြပါ။ ဒါကို အင်မတန်အားပေးချင်ပါတယ်။ နောက်ဆုံးကျတော့ စိတ်ဓာတ်ပါပဲ။ ကျွန်မတို့ ဆရာ ဆရာမတွေရဲ့ စိတ်ဓာတ်၊ ကျောင်းသူ ကျောင်းသားတွေရဲ့ စိတ်ဓာတ်က မှန်ကန် တယ်ဆိုရင် အောင်မြင်မှာ သေချာပါတယ်။ အောင်မြင်တယ်ဆိုတဲ့ ယုံကြည်ချက် လည်းရှိစေချင်ပါတယ်။ တစ်ယောက်နဲ့တစ်ယောက် ညှိနှိုင်းတိုင်ပင်ပြီး သင်ယူသွား မယ်ဆိုရင် မလွဲမသွေအောင်မြင်မှာပါ။ ကူညီမယ့် မိတ်ဆွေတွေ က္ဘာတစ်ဝန်းမှာ ရှိပါတယ်။ နောက်ဆုံးတော့ မိမိကိုယ်သာ ကိုးကွယ်ရာဖြစ်ပါတယ်။ က်ိုယ့်ကိုယ်က်ိုယ် ကူညီတာလောက် ပြင်ပက ကူညီတာဟာ ဘာမှမထိရောက်နိုင်ပါဘူး။ အဲဒါကြောင့် တစ်က္ဘာလုံးနဲ့ လက်တွဲပြီးလုပ်တဲ့အခါ မိတ်ဆွေသဖွယ်၊ လုပ်ဖော်ကိုင်ဖက်တွေသဖွယ် ညီညီညာညာ ခင်ခင်မင်မင်နဲ့ လုပ်သွားတယ်ဆိုရင် နောက်ဆုံးကျတော့ ကိုယ့်ကိုယ် ကိုယ်ပဲ အားကိုးရမှာ ဖြစ်ပါတယ်။
သုတေသနကို ဦးစားပေး
”အဆင့်မြင့်ပညာမှာ အရေးကြီးတာက သုတေသနပါပဲ။ သုတေသနလုပ်တယ် ဆိုတာဟာ သုတေသနလုပ်တယ်ဆိုတဲ့ အဓိပ္ပာယ်ကတော့ အသစ်အဆန်း လမ်းတွေ ဖွင့်ပေးဖို့ပဲဖြစ်ပါတယ်။ သုတေသနဆိုတာ အဆုံးမဟုတ်ပါဘူး။ အသစ်အဆန်းတွေ အတွက် အစပဲ ဖြစ်ပါတယ်။ ဒါကြောင့် ကျွန်မတို့နိုင်ငံမှာ သုတေသနကို အားပေးဖို့ဆိုပြီး ပညာရေးမူဝါဒထဲမှာထည့်ထားပါတယ်။ နှစ်ပေါင်းများစွာ သုတေသနကို လျစ်လျူရှုခဲ့တဲ့ အခါ ပြည်သူ ပြည်သားတွေရဲ့ မွေးရာပါ ထွင်ဉာဏ်တွေက တုံးသွားပါတယ်။ ဒါကြောင့် သုတေသနကို ဦးစားပေးချင်တယ်။ အဲဒီလိုဦးစားပေးတဲ့အခါ ကျွန်မတို့နိုင်ငံနဲ့ ကိုက်ညီ တဲ့ ဘာသာရပ်တွေနဲ့ ကိုက်ညီတဲ့ ကိစ္စရပ်တွေကို အထူးအလေးပေးပြီး သုတေသန လုပ်ပေးစေချင်ပါတယ်။ ဒါမှလည်း ကျွန်မတို့ လက်တွေ့ကျကျတိုးတက်မယ်။ ကိုယ့်နိုင်ငံရဲ့ အခြေအနေကို တိုးတက်အောင်လုပ်ပေးနိုင်မယ်။ ကမ္ဘာနဲ့ ရင်ပေါင်တန်းပြီး ကျွန်မတို့ ပညာရေးလောကကြီးမှာ ထွန်းပေါက်နိုင်မှာဖြစ်ပါတယ်။ သုတေသနလုပ်တယ်ဆိုတာ သုတေသနလုပ်ဖို့အတွက် အထောက်အကူပစ္စည်းတွေ အများကြီးလိုတယ်ဆိုတာ ထူးထူးထွေထွေပြောဖို့မလိုပါဘူး။ ဒီအချိန်မှာ ဒီကိစ္စမှာ ပုဂ္ဂလိကစီးပွားရေးပိုင်းကလည်း ပါဝင် ပတ်သက်နိုင်တယ်ဆိုတာ သတိပေးချင်ပါတယ်။ ဖွံ့ဖြိုးတိုးတက်တဲ့ နိုင်ငံတွေမှာ ဆိုရင် သုတေသနနဲ့ပတ်သက်ပြီး စီးပွားရေးလုပ်ငန်းရှင်ကြီးတွေက ပံ့ပိုးတာတွေ အများကြီးရှိပါတယ်။ ဒီလိုပဲပံ့ပိုးမှုတွေ ရအောင်လုပ်ရမယ်။ ကျွန်မတို့နိုင်ငံ အနာဂတ် အတွက် ရုန်းကန်တဲ့အလေ့အကျင့်ကို အုတ်မြစ်ချပေးရမယ်။ ဒါလည်း အဆင့်မြင့် ပညာအတွက် အရေးကြီးတဲ့ကိစ္စရပ်တစ်ခု ဖြစ်တယ်။ သုတေသနနဲ့ပတ်သက်ပြီး ပြောရရင် စာကြည့်တိုက်တွေအကြောင်း ပြောရမှာဖြစ်တယ်။
မထင်မှတ်ဘဲ စာအုပ်တွေရောင်းနေတာ တွေ့ရ
”ကျွန်မတို့နိုင်ငံမှာ စာကြည့်တိုက်တွေ ခေါင်းပါးနေတဲ့ ခေတ်ကြီးကနေ အခုမှ စပြီး ထွက်လာတာပါ။ စာကြည့်တိုက်တွေ ခေါင်းပါးတယ်။ စာအုပ်ဆိုင်တွေ ခေါင်းပါး တယ်။ ကျွန်မတို့ ပြည်သူပြည်သားတွေဟာ ထုံးတမ်းအစဉ်အလာအရ ကျွန်မတို့ ယဉ်ကျေးမှုအရ စာပေအင်မတန်မြတ်နိုးပါတယ်။ ကျွန်မတို့ရဲ့ ယဉ်ကျေးမှုထဲမှာကို လမ်းဘေး စာအုပ်ဆိုင်တွေသွားပြီး လေ့လာတာဟာ အင်မတန်မှ အရေးကြီးတဲ့ စိတ်အပန်းဖြေစရာ အလုပ်တစ်ခုလိုဖြစ်နေပါတယ်။ အခုနောက်ပိုင်း ဒါတွေဟာ တဖြည်းဖြည်းတိမ်ကောသွားတယ်။ စာအုပ်ဆိုင်တွေ ရှိသင့်သလောက်မရှိဘူး။ နိုင်ငံခြားခရီးထွက်ရင် နိုင်ငံတစ်နိုင်ငံရဲ့ တိုးတက်မှုကို ကျွန်မသိထားတဲ့အချက် အလက်တွေနဲ့ ယှဉ်ပြီးတော့ သိပ်မကြည့်ဘူး။ အဲဒီနိုင်ငံမှာ စာအုပ်ဆိုင်တွေ ဘယ်လောက်များသလဲ၊ ဘယ်လောက်လွယ်လွယ်နဲ့ ကိုယ်လိုချင်တဲ့စာအုပ်တွေ ဝယ်လို့ရသလဲဆိုတာကို အမြဲကြည့်ပါတယ်။ နိုင်ငံတစ်နိုင်ငံ ဆင်းရဲတာနဲ့ ချမ်းသာတာ မတူပါဘူး။ ဆင်းရဲတယ်လို့ထင်ရတဲ့ နိုင်ငံတွေမှာ စာအုပ်ဝယ်တဲ့နေရာမှာ အင်မတန် လွယ်ပါတယ်။ ဘယ်နေရာမှာမဆို စာအုပ်ဆိုင်တွေရှိတယ်။ ဘယ်နေရာမှာမဆို မထင်မှတ်ဘဲ စာအုပ်တွေရောင်းနေတာ တွေ့ရတယ်။ အဲဒါဆိုရင် ဒီနိုင်ငံတွေဟာ တကယ်ပဲဖွံ့ဖြိုးတိုးတက်တဲ့ နိုင်ငံတွေပဲ၊ ဒီနိုင်ငံတွေရဲ့ အလားအလာဟာ အင်မတန်မှ ကောင်းနေတယ်လို့ ကျွန်မသတ်မှတ်တယ်။
အသက်မွေးဝမ်းကျောင်းပညာ
”အဆင့်မြင့်ပညာသင်တဲ့အခါ စာဖတ်ချင်ဖို့ စာဖတ်တတ်ဖို့၊ အားပေးပါဆိုတာကို အမြဲတိုက်တွန်းတာဖြစ်ပါတယ်။ အဆင့်မြင့်ပညာရေးနဲ့ဆိုင်တဲ့ ဌာနတွေဟာ ပိုပြီးတော့ ကိုယ့်ဟာကို လွတ်လွတ်လပ်လပ် ကိုယ့်ရဲ့သဘောအရ၊ ကိုယ့်ရဲ့ယုံကြည်ချက်အရ ဆက်လက်ပြီး ဆောင်ရွက်သွားနိုင်ဖို့ စဉ်းစားထားတာရှိပါတယ်။ အဲဒီလို စဉ်းစားတဲ့ နေရာမှာ တက္ကသိုလ်များနဲ့တန်းတူ အဆင့်မြင့်ပညာရေးစနစ်မှာ အသက်မွေး ဝမ်းကျောင်းပညာ ကျောင်းတွေကို တန်ဖိုးထားစေချင်ပါတယ်။ အသက်မွေး ဝမ်းကျောင်းပညာကျောင်းတွေဟာ ကျွန်မတို့နိုင်ငံအတွက် အင်မတန်မှလိုအပ်တယ်။ အင်မတန်တန်ဖိုးရှိပါတယ်။ က္ဘာမှာ ဖွံ့ဖြိုးတိုးတက်ဆုံးနိုင်ငံအချို့ဟာ အသက်မွေး ဝမ်းကျောင်းပညာကို အင်မတန်အလေးထားပါတယ်။ ကျွန်မတို့နိုင်ငံရဲ့ အားသာ ချက်က ဒီတစ်နှစ်၊ နှစ်နှစ်အတွင်းမှာ အသက်မွေးဝမ်းကျောင်းပညာဘက်ကို ကျွန်မ တို့ ပြည်သူ ပြည်သားများ၊ ကျောင်းသူ ကျောင်းသားတွေတင်မက ကျောင်းသူ ကျောင်းသား မိဘတွေဟာ အဲဒီဘက်ကိုလှည့်လာပြီး အသက်မွေးဝမ်းကျောင်းပညာရဲ့ တန်ဖိုးကို သိလာတာဟာ ကျွန်မတို့နိုင်ငံအတွက် အင်အားကြီးတစ်ခုပါပဲ။ ဒီအပေါ် မှာ ကျွန်မတို့ ဆောက်တည်ဖို့လိုပါတယ်။
ပုဂ္ဂလိကဘက်ကလည်း ကူညီစေချင်
”အာရှတိုက် နိုင်ငံတော်တော်များများမှာ အသက်မွေးဝမ်းကျောင်းပညာကို တက္ကသိုလ်ပညာနဲ့စာရင် အဆင့်နိမ့်တယ်၊ ဒုတိယတန်းဆိုပြီး မြင်တာတွေရှိတာကြောင့် တကယ်တော့ မိမိနိုင်ငံရဲ့ လိုအပ်ချက်နဲ့ ပညာရေးစနစ်က မွေးထုတ်လိုက်တဲ့ ကျောင်းသူ ကျောင်းသားတွေဟာ မကိုက်ညီမှုဖြစ်နေပါတယ်။ ကျွန်မတို့နိုင်ငံမှာ ဒီလို စိတ်ဓာတ်တွေ အင်မတန်နည်းပါတယ်။ အသက်မွေးဝမ်းကျောင်းပညာကို ပိုပြီးတော့ တန်ဖိုးထားတာ၊ အလေးထားတာ တွေ့ရပါတယ်။ အင်မတန်အားတက်ပါတယ်။ ဒါကို ဆက်ပြီးတော့ ပညာရေးဝန်ကြီးဌာနက အားပေးရုံတင်မက ပုဂ္ဂလိကဘက်ကလည်း ကူညီစေချင်ပါတယ်။ အသက်မွေးဝမ်းကျောင်းပညာကျောင်းတွေကို ပုဂ္ဂလိကဘက်က ပိုပြီးတော့ စိတ်ဝင်စားစွာနဲ့ အားပေးတာ တည်ထောင်တာကို ကျွန်မအနေနဲ့ တိုက်တွန်းချင်ပါတယ်။
ထိထိရောက်ရောက် ပညာပေးနိုင်တဲ့ စနစ်တစ်ခုဖြစ်အောင် ကြိုးစား
”အဝေးသင်ပညာရေးစနစ်နဲ့ ပတ်သက်လို့ ရှင်းလင်းစရာတစ်ခုဖြစ်လာပါတယ်။ နှစ်ပေါင်းများစွာ ကျွန်မတို့နိုင်ငံရဲ့ အဝေးသင်ပညာရေးစနစ်ဆိုတာ အလွယ်တကူဘွဲ့ရ ရေးစနစ်ဖြစ်ခဲ့ပါတယ်။ အလွယ်တကူရတဲ့ဘွဲ့ဆိုတာ ခက်ခက်ခဲခဲ ကြိုးစားပြီးရယူတဲ့ ဘွဲ့နဲ့တော့ မတူဘူးပေါ့။ တော်တော်များများက အဝေးသင်ပညာရေးစနစ်က ဘွဲ့ယူတာ၊ အဲဒါကို အပြစ်ဆိုတာမဟုတ်ပါဘူး။ ကျွန်မတို့ နိုင်ငံသူနိုင်ငံသားတွေ ပညာကို တန်ဖိုး ထားတာကို ပြတဲ့ဟာပါပဲ။ ဘွဲ့တစ်ခုရတယ်ဆိုရင် ကိုယ့်ဘဝမှာ အဆင့်တစ်ခု ကျော်လွှားသွားနိုင်ပြီ၊ တကယ်ပဲ ပညာပြည့်စုံသွားပြီဆိုတဲ့အမြင်ဟာ ဆိုးဝါးတဲ့အမြင် မဟုတ်ပါဘူး။ ဒါဟာ ပညာကို တန်ဖိုးထားတာပဲ။ သို့သော် အဝေးသင်ပညာရေးစနစ်ဟာ တကယ်ပဲ ထိထိရောက်ရောက် ပညာပေးနိုင်တဲ့စနစ်မဖြစ်ခဲ့ပါဘူး။ အခုအဝေးသင် ပညာရေးစနစ်ဟာလည်း သာမန်တက္ကသိုလ်တွေမှာလိုပဲ ထိထိရောက်ရောက် ပညာပေးနိုင်တဲ့စနစ်တစ်ခုဖြစ်အောင် ကြိုးစားဆောင်ရွက်နေပါတယ်။ အဲဒီလို ကြိုးစား ဆောင်ရွက်တဲ့နေရာမှာ အားလုံးပူးပေါင်းဆောင်ရွက်ဖို့လိုပါတယ်။
ဆရာ ဆရာမတွေရဲ့ အရည်အချင်းကို မြှင့်ပေးဖို့လို
”ဆရာ၊ ဆရာမတွေကိုလည်း ပြန်ပြီးအရည်အချင်းမြှင့်ပေးရတဲ့ လုပ်ငန်းကြီးဟာ စိန်ခေါ်မှုကြီးတစ်ခုပါပဲ။ ကျောင်းသူ ကျောင်းသားတွေရဲ့ ပညာအရည်အချင်းမြှင့်ဖို့ ဆိုရင် ဆရာ ဆရာမတွေရဲ့ အရည်အချင်းကို မြှင့်ပေးဖို့လိုပါတယ်။ အဲဒီမှာလည်း ကျွန်မတို့ အင်မတန်ရုန်းကန်နေရပါတယ်။ ဆရာ ဆရာမတွေဟာ အများအားဖြင့် ကိုယ့်မိသားစု တာဝန်တွေနဲ့ ဖြစ်နေပြီဆိုတော့ ကျောင်းသူ ကျောင်းသားတွေလို အချိန်ပြည့် ပညာရေးကို အာရုံမစိုက်နိုင်ပါဘူး။ ဒါပေမယ့် နိုင်ငံရဲ့လိုအပ်ချက်အရ တတ်နိုင်သလောက် ကိုယ့်ရဲ့ အရည်အချင်းမြှင့်တင်ရေးအတွက် ဆရာ ဆရာမတွေကို ကြိုးစားစေချင်ပါတယ်။ ဒီလိုကြိုးစားခြင်းအားဖြင့် ကိုယ်လည်းကျေနပ်မှုရမယ်၊ ကိုယ်မွေးထုတ်လိုက်တဲ့ ကျောင်းသူ ကျောင်းသားတွေဟာလည်း ကျွန်မတို့နိုင်ငံရဲ့ အကျိုးကို တစ်သက်ဆောင်ယူနိုင်ရုံသာမက က္ဘာလူသားများရဲ့ အကျိုးကို ဆောင်နိုင်တဲ့ ပုဂ္ဂိုလ်တွေဖြစ်လာနိုင်တယ်ဆိုတာကို နှလုံးသွင်းပြီး ကြိုးစားစေချင် ပါတယ်။
ကလေးတွေရဲ့ နှလုံးသားမှာ စွဲသွားအောင်လုပ်
”တစ်နေ့နဲ့တစ်နေ့ ကျွန်မတို့နိုင်ငံရဲ့ အခြေအနေကို ကြည့်လိုက်တဲ့အခါ ကျွန်မ အားအရဆုံးကိစ္စတွေထဲမှာ ပညာရေးတိုးတက်မှုပဲ ဖြစ်ပါတယ်။ တချို့က ဒါကို သတိထားမိချင်မှ သတိထားမိကြပါမယ်။ ကျွန်မသတိထားမိပါတယ်။ ဘာဖြစ်လို့လဲ ဆိုတော့ ကျွန်မတို့ ကျောင်းရဲ့ကလေးတွေဟာ စိတ်အားထက်သန်မှုမှာ ပိုပြီးတော့ မိမိကိုယ်ကိုယုံကြည်မှု အဲဒါတွေကိုကျွန်မတွေ့ရတယ်။ ဒါတွေကို ကျွန်မတို့ ပြုစု ပျိုးထောင်ရမယ်။ ကလေးတွေ အောင်မြင်စေချင်လို့ရှိရင် ငါတို့ဟာ အောင်မြင်နိုင်တဲ့ သူတွေဖြစ်တယ်ဆိုတဲ့ ယုံကြည်မှု ငယ်ငယ်ကတည်းကနေ ကလေးတွေရဲ့ နှလုံးသားမှာ စွဲသွားအောင် လုပ်ပေးဖို့ဖြစ်ပါတယ်။ အစကတည်းက လုပ်နည်းကိုင်နည်းမမှန်ရင် နောင်ပြုပြင်ဖို့ အင်မတန်ခက်ပါတယ်။
ပညာရေးစနစ်ရဲ့ အကြီးဆုံး စိန်ခေါ်မှုကြီးဖြစ်
”အခုအဆင့်မြင့်ပညာအဆင့်မှာရောက်နေတဲ့ လူငယ်တော်တော်များများဟာ အားနည်းတဲ့ ပညာရေးစနစ်ရဲ့ သားကောင်တွေပဲလို့ တစ်နည်းအားဖြင့် ပြောလို့ရ ပါတယ်။ ဒီလူငယ်တွေကို အရင်တုန်းက ရထားတဲ့အလေ့အကျင့်တွေကို ပြုပြင်ရမယ်၊ အခုခေတ်နဲ့ ကိုက်ညီတဲ့ မှန်ကန်တဲ့ ပညာရှာနည်းတွေကို သင်ပေးရမယ် ဆိုတာဟာ အဆင့်မြင့်ပညာမှာ တာဝန်ယူနေတဲ့ ဆရာ ဆရာမတွေအတွက် အင်မတန်ကြီးမားတဲ့ စိန်ခေါ်မှုဖြစ်ပါတယ်။ ဒီစိန်ခေါ်မှုကို အောင်အောင်မြင်မြင်ကျော်လွှားနိုင်မယ်ဆိုရင် ကျွန်မတို့ နိုင်ငံရဲ့ အနာဂတ်အတွက် အားလုံးစိတ်အေးရမှာပါ။ အခုမှ မူလတန်း ကျောင်းမှာစပြီး ပြုစုပျိုးထောင်နေတဲ့ ကလေးတွေကြီးလာတဲ့အထိ စောင့်နေလို့ မရပါဘူး။ အခုချက်ချင်း ဒီနေ့ ဒီအချိန်ကနေစပြီး ကျွန်မတို့နိုင်ငံတိုးတက်ရေးအတွက် ဝိုင်းဝန်း ကူညီပံ့ပိုးနိုင်တဲ့ လူငယ်တွေ ပညာတတ်လူငယ်တွေ မွေးထုတ်ဖို့ဆိုတာ အခုအဆင့်မြင့် ပညာရေးစနစ်ရဲ့ အကြီးဆုံး စိန်ခေါ်မှုကြီးဖြစ်လို့ ဒီစိန်ခေါ်မှုကို အောင်အောင်မြင်မြင် ကျော်လွှားဖို့ဆိုတာ ကျွန်မတို့ အားလုံးမှာ တာဝန်ရှိပါတယ်။ အစိုးရဝန်ထမ်းဖြစ်တဲ့ ဆရာ ဆရာမတွေမှာလည်း တာဝန်ရှိပါတယ်။ ကျောင်းသူ ကျောင်းသားတွေမှာလည်း တာဝန်ရှိပါတယ်။ ပုဂ္ဂလိကဆိုင်ရာ စီးပွားရေးအသိုင်းအဝိုင်း မှာတောင် တာဝန်ရှိပါတယ်။ အရေးကြီးဆုံးက မိဘတွေမှာ တာဝန်ရှိပါတယ်။ မိဘတွေက သားသမီးတွေကို မှန်ကန်တဲ့စိတ်နှလုံးသားတွေ၊ မှန်ကန်တဲ့ တန်ဖိုးထား မှုတွေရှိဖို့ကို ကူညီဆောင်ရွက်ပေးမှ အဆင့်မြင့်ပညာရေးစနစ်မှာ ရုန်းကန်နေရတဲ့ ဆရာ ဆရာမတွေအတွက်လည်း အကူအညီရမှာပါ။ အားလုံးပူးပေါင်းဆောင်ရွက်မှ အောင်မြင်နိုင်မှာပါ။ အောင်မြင်မယ်ဆိုတာလည်း ကျွန်မယုံကြည်ပါတယ်။ အောင်မြင် မယ်ဆိုတာ ယုံကြည်လို့ အောင်မြင်မယ်လို့လည်း ကျွန်မပြောနိုင်ပါတယ်။ အထက်တန်း ပညာ၊ အဆင့်မြင့်ပညာမှာပါဝင်နေတဲ့ ပုဂ္ဂိုလ်အသီးသီးကလည်း အောင်မြင်မယ် ဆိုတဲ့ ယုံကြည်ချက်နဲ့ ဆက်ပြီးတော့ ကြိုးစားသွားကြပါလို့ ကျွန်မအနေနဲ့ မေတ္တာ ရပ်ခံရင်း နိဂုံးချုပ်ပါတယ်။ ။
Credit to: myanmaalinn
